ຂະບວນລົດຕັກຊີທີ່ໃຊ້ພະລັງງານໃໝ່ຂະບວນທຳອິດຂອງສິງກະໂປເຊິ່ງນຳໃຊ້ລົດພະລັງງານໄຟຟ້າພຽງຢ່າງດຽວBYD e6 ຂອງຈີນ 100 ຄັນເຊິ່ງເປັນຂະບວນໃຫຍ່ທີ່ສຸດໃນອາຊີຕາເວັນອອກສຽງໃຕ້ໄດ້ເປີດບໍລິການຢ່າງເປັນທາງການໂດຍທ່ານຈັນຊຸນຊິງ ລັດຖະມົນຕີຫ້ອງວ່າການນາຍົກລັດຖະມົນຕີສິງກະໂປ, ທ່ານເຈິ້ງຊາວ ທີ່ປຶກສາຊັ້ນອັກຄະລັດຖະທູດສະຖານທູດຈີນປະຈຳສິງກະໂປ, ທ່ານຫຼິວເສລ້ຽງ ຜູ້ອຳນວຍການໃຫຍ່ພະແນກພາກຈຳໜ່າຍລົດBYDອາຊີປາຊີຟິກໄດ້ຮ່ວມກັນຕັດແຖບຜ້າໃນພິທີເປີດບໍລິການ. ລົດໃຊ້ພະລັງງານໄຟຟ້າ 100 ຄັນດັ່ງກ່າວຈະບໍລິການຊາວເມືອງສິງກະໂປໂດຍບໍ່ຕ້ອງນັດຈອງລ່ວງໜ້າ,ຂໍພຽງແຕ່ໂບກມືກໍຈະມີລົດຕັກຊີຈອດຮັບໃຫ້ບໍລິການທັນທີ.