ຕາມຂ່າວສານຊິນຮວາ:ທ່ານຊູບຣາມານຽນ ລັດຖະມົນຕີກະຊວງສາທາລະນະສຸກມາເລເຊຍກ່າວໃນວັນທີ 26 ກຸມພານີ້ວ່າ,ໄດ້ສຳເລັດການສັນລະສູດສົບຂອງຊາຍສປປເກົາຫຼີທີ່ຖືກລອບສັງຫານຢູ່ສະໜາມບິນກົວລາລຳເປີນັ້ນໂດຍພື້ນຖານແລ້ວເຊິ່ງສາເຫດການເສຍຊີວິດມີຄວາມກົງກັນສູງກັບລິດຂອງຢາພິດເສັ້ນປະສາດ VX ອາວຸດເຄມີທີ່ພົບຢູ່ຮ່າງກາຍຂອງຜູ້ເສຍຊີວິດ.ເນື່ອງຈາກຄວາມຮ້າຍແຮງຂອງຢາພິດຈຶ່ງເຮັດໃຫ້ເສຍຊີວິດຢ່າງເຈັບປວດທໍລະມານພຽງແຕ່ 15 ຫາ 20 ນາທີເທົ່ານັ້ນ.
ທ່ານກ່າວຕື່ມວ່າ,ບົດລາຍງານຜົນການສັນລະສູດສົບທີ່ຄົບຖ້ວນຈະມອບໃຫ້ເຈົ້າໜ້າທີ່ຕຳຫຼວດແລະກ້າວຕໍ່ໄປຂອງຂະແໜງການສາທາລະນະສຸກກໍຄືກວດສອບອັດຕະລັກຂອງຊາຍສປປເກົາຫຼີໃຫ້ສຳເລັດແລະວິທີທີ່ດີທີ່ສຸດຍັງຄົງໃຫ້ຍາດຕິພີ່ນ້ອງເຂົ້າຮ່ວມການປຽບທຽບ DNA,ແຕ່ຈະໄດ້ຕົວຢ່າງ DNA ຈາກຍາດຕິພີ່ນ້ອງແນວໃດນັ້ນຍັງຕ້ອງການຄວາມຊ່ວຍເຫຼືອຈາກຕຳຫຼວດ.ນອກນີ້,ຂະແໜງການຕົນຍັງສາມາດກຳນົດອັດຕະລັກຂອງຜູ້ເສຍຊີວິດໂດຍຜ່ານການໄຈ້ແຍກອົງປະກອບແຂ້ວແລະອື່ນໆ.
 |
