ສື່ຕ່າງປະເທດລາຍງານວ່າ:ຜ່ານມາ,ພາກລັດປະເທດຕ່າງໆລ້ວນແຕ່ຈັດກິດຈະກຳຮັບຕ້ອນຫຼືງານລ້ຽງທີ່ຈຳເປັນຈຳນວນໜຶ່ງ,ແຕ່ໃນຕໍ່ໜ້າ,ງານລ້ຽງຂອງກະຊວງອະນຸລັກສິ່ງແວດລ້ອມປະເທດເຢຍລະມັນຈະໃຫ້ມີແຕ່ອາຫານເຈຄືບໍ່ມີປາຫຼືຊີ້ນເພື່ອເປັນການເຜີຍແຜ່ການກິນອາຫານເຈແມ່ນເພື່ອອະນຸລັກສິ່ງແວດລ້ອມ.
ຂ່າວລາຍງານວ່າ,ຫວ່າງມໍ່ໆນີ້,ຫົວໜ້າໜ່ວຍງານຕ່າງໆກະຊວງອະນຸລັກສິ່ງແວດລ້ອມເຢຍລະມັນໄດ້ຮັບອີເມວສະບັບໜຶ່ງທີ່ຮຽກຮ້ອງໃຫ້ຈັດງານລ້ຽງດ້ວຍການສະໜອງອາຫານເຈໃນໂອ ກາດຈັດກິດຈະກຳທາງສັງຄົມເປັນຕົ້ນງານລ້ຽງໃນຕໍ່ໜ້າພ້ອມທັງຄວນເລືອກເອົາຜະລິດຕະພັນກະສິກຳຕາມລະດູການຂອງປະເທດຕົນໂດຍກະຊວງອະນຸລັກສິ່ງແວດລ້ອມຄວນເປັນແບບຢ່າງດ້ານນີ້.ຂະນະດຽວກັນ,ເຈົ້າຂອງອີເມວຍັງຮຽກຮ້ອງບໍ່ໃຫ້ນຳໃຊ້ພາຊະນະທີ່ໃຊ້ໄດ້ເທື່ອດຽວໃນກິດຈະກຳງານລ້ຽງແລະສຸມຄວາມພະຍາຍາມຫຼຸດຂີ້ເຫຍື້ອໃຫ້ໜ້ອຍລົງ.
ໂຄສົກກະຊວງອະນຸລັກສິ່ງແວດລ້ອມເຢຍລະມັນກ່າວວ່າ,ຂໍ້ກຳນົດໃໝ່ພຽງແຕ່ເນັ້ນກິດຈະກຳທາງສັງຄົມຕ່າງໆເປັນຕົ້ນກອງປະຊຸມສຳມະນາ,ການຖະແຫຼງຂ່າວທີ່ຈັດໂດຍກະຊວງຕົນເທົ່ານັ້ນ,ສ່ວນຮ້ານອາຫານສຳລັບພະນັກງານກະຊວງຂອງຕົນຍັງສະໜອງອາຫານປະເພດຊີ້ນແລະປາຕາມເດີມ.
 |
