ຕາມຂ່າວສານຊິນຮວາ:ກອງປະຊຸມຄັ້ງທີ 34 ຄະນະມົນຕີສິດທິມະນຸດອົງການສະຫະປະຊາຊາດໄດ້ໄຂຂຶ້ນຢູ່ວັງນາໆຊາດເຊີແນວແຕ່ວັນທີ 27 ກຸມພາແລະຈະດຳເນີນໄປຈົນເຖິງວັນທີ 24 ມີນານັ້ນໄດ້ເນັ້ນຫາລືຫົວຂໍ້ສະເພາະລະດັບສູງຕໍ່ການຫັນສິດທິມະນຸດເປັນກະແສຫຼັກໃນປີນີ້ຄື "ຜ່ານຈາກການເພີ່ມທະວີການສົນທະນາແລະການຮ່ວມມືສາກົນເພື່ອຊຸກຍູ້ສິດທິມະນຸດໃຫ້ເປັນການປະກອບສ່ວນເຂົ້າໃນການສ້າງສັນຕິພາບ".
ທ່ານຫຼີວຮວາ ຜູ້ຕາງໜ້າພິເສດວຽກງານສິດທິມະນຸດກະຊວງການຕ່າງປະເທດຈີນໄດ້ຕາງໜ້າປະເທດອາຟຣິກາແລະຈີນປະກອບຄວາມຄິດຄວາມເຫັນຮ່ວມໃນຫົວຂໍ້ "ປົກປັກຮັກສາສັນຕິພາບ,ຊຸກຍູ້ແລະປົກປ້ອງສິດທິມະນຸດ"ໃນວັນທີ 27 ກຸມພານີ້ໂດຍໄດ້ສະເໜີຈຸດຢືນ 5 ຂໍ້ເພື່ອບັນລຸສັນຕິພາບຖາວອນ,ຊຸກຍູ້ແລະປົກປ້ອງສິດທິມະນຸດເປັນຕົ້ນ.
ໜຶ່ງສ້າງການພົວພັນຄູ່ຮ່ວມທີ່ສະເໝີພາບ,ສອງແກ້ໄຂການພິພາດກັນດ້ວຍສັນຕິວິທີ,ສາມຮ່ວມມືເພື່ອປົກປັກຮັກສາສັນຕິພາບ,ສີ່ຊຸກຍູ້ສັນຕິພາບດ້ວຍການພັດທະນາແລະຫ້າເຄົາລົບຄວາມຫຼາກຫຼາຍຂອງອາລິຍະທຳ.
ທ່ານຫຼີວຮວາໄດ້ເນັ້ນວ່າສັນຕິພາບແມ່ນເງື່ອນໄຂເບື້ອງຕົ້ນແລະພື້ນຖານຂອງການຊຸກຍູ້ແລະປົກປ້ອງສິດທິມະນຸດເຊິ່ງຖ້າບໍ່ມີສັນຕິພາບ,ສິດທິມະນຸດຕ່າງໆລວມທັງສິດພັດທະນາກໍຍາກທີ່ຈະປາກົດເປັນຈິງໄດ້.