ຕາມຂ່າວສານຈີນ: ເພື່ອອຳນວຍຄວາມສະດວກແກ່ນັກຂ່າວທີ່ລາຍງານຂ່າວກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນສະໄໝທີ 12 ແລະກອງປະຊຸມຄັ້ງທີ 5 ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 12 ທີ່ຈະຈັດຂຶ້ນຢູ່ນະຄອນຫຼວງປັກກິ່ງໃນວັນທີ 5 ແລະວັນທີ 3 ມີນາໜ້ານີ້ຕະຫຼອດ 24 ຊົ່ວໂມງນັ້ນ, ສູນຂ່າວ "ກອງປະຊຸມສອງສະພາ" ປີ 2017 ໄດ້ເປີດນຳໃຊ້ຢ່າງເປັນທາງການໃນວັນທີ 27 ກຸມພາ ຢູ່ໂຮງແຮມມີເຕຍປັກກິ່ງ.
ຜູ້ຮັບຜິດຊອບສູນຂ່າວກ່າວວ່າ, ມາຮອດປັດຈຸບັນ, ມີນັກຂ່າວຈີນ ແລະຕ່າງປະເທດ 3 ພັນກວ່າຄົນໄດ້ລົງທະບຽນເພື່ອເຂົ້າຮ່ວມລາຍງານຂ່າວ "ກອງປະຊຸມສອງສະພາ" ໂດຍ ນັກຂ່າວຈີນແຜ່ນດິນໃຫຍ່, ຮົງກົງ, ມາເກົາ ແລະໄຕ້ຫວັນມີຈຳນວນທໍ່ກັບປີຜ່ານມາ, ແຕ່ຈຳນວນນັກຂ່າວຕ່າງປະເທດໄດ້ເພີ່ມຂຶ້ນອີກ.
ເຈົ້າໜ້າທີ່ສູນຂ່າວເປີດເຜີຍວ່າ, ໃນໄລຍະກອງປະຊຸມ, ສູນຂ່າວຍັງຈະສະໜອງລົດເພື່ອບໍລິການນັກຂ່າວໄປຫໍປະຊຸມແຫ່ງຊາດໂດຍບໍ່ເສຍຄ່າ.
 |
