ກອງປະຊຸມເວທີປຶກສາຫາລືການທ່ອງທ່ຽວຈີນ-ມຽນມາຄັ້ງທຳອິດຈະຈັດຂຶ້ນຢູ່ນະຄອນຫຼວງເນປີດໍປະເທດມຽນມາແຕ່ວັນທີ 1-2 ມີນານີ້ໂດຍທ່ານຕູ້ຈ່ຽງ ຮອງຫົວໜ້າອົງການທ່ອງທ່ຽວແຫ່ງຊາດຈີນໄດ້ນຳພາຄະນະເດີນທາງເຂົ້າຮ່ວມກອງປະຊຸມດັ່ງກ່າວ ທັງໄດ້ພົບປະກັບທ່ານອົງມອງ ລັດຖະມົນຕີກະຊວງໂຮງແຮມແລະທ່ອງທ່ຽວມຽນມາ.
ໂອກາດດັ່ງກ່າວ, ທ່ານຕູ້ຈ່ຽງຢືນຢັນວ່າ: ປີນີ້ເປັນປີຮ່ວມມືການທ່ອງທ່ຽວຈີນ-ອາຊຽນ ແລະເວທີປຶກສາຫາລືການທ່ອງທ່ຽວຈີນ-ມຽນມາກໍ ເປັນເວທີປຶກສາຫາລືທຳອິດທີ່ຈັດຂຶ້ນໃນຂອບການຮ່ວມມືດ້ານການທ່ອງທ່ຽວລະຫວ່າງຈີນ-ອາຊຽນ ແລະຈະຖືໂອກາດນີ້ຊຸກຍູ້ການແລກປ່ຽນແລະຮ່ວມມືດ້ານການທ່ອງທ່ຽວລະຫວ່າງຈີນ-ມຽນມາກໍຄືຈີນກັບປະເທດອື່ນໆໃນອາຊຽນ. ທັງນີ້,ຈີນພ້ອມສະໜັບສະໜູນທຶນແລະການພັດ ທະນາຊັບພະຍາກອນມະນຸດເພື່ອການພັດທະນາຂອງຂະແໜງການທ່ອງທ່ຽວມຽນມາ.
ທ່ານອົງມອງຢືນຢັນວ່າ ການຮ່ວມມືລະຫວ່າງຂະແໜງການທ່ອງທ່ຽວມຽນມາ-ຈີນໄດ້ຮັກສາທ່ວງທ່າທີ່ດີແລະຫວັງວ່າສອງປະເທດຈະເພີ່ມທະວີການຮ່ວມມືໃນການທ່ອງທ່ຽວສາກົນ,ການພັດທະນາຊັບພະຍາກອນມະນຸດດ້ານການທ່ອງທ່ຽວແລະອື່ນໆ.