ຕາມຂ່າວສານຊິນຮວາ:ເຈົ້າໜ້າທີ່ສປປເກົາຫຼີກ່າວຕໍ່ນັກຂ່າວຢູ່ໜ້າສະຖານທູດປະຈຳມາເລເຊຍໃນວັນທີ 28 ກຸມພາຜ່ານມານີ້ວ່າ,ຄະນະຜູ້ແທນລັດຖະບານຂັ້ນສູງຂອງປະເທດຕົນໄດ້ເດີນທາງເຖິງນະຄອນຫຼວງກົວລາລຳເປີປະເທດມາເລເຊຍແລ້ວແລະຈະຫາລືກັບມາເລເຊຍກ່ຽວກັບບັນຫາການເສຍຊີວິດຂອງພົນລະເມືອງປະເທດຕົນ.
ທ່ານຣີຕົງອິນ ອະດີດຮອງຜູ້ຕາງໜ້າສປປເກົາຫຼີປະຈຳສະຫະປະຊາຊາດ,ຫົວໜ້າຄະນະຜູ້ແທນເປີດເຜີຍວ່າ,ຈະຫາລືກັບເຈົ້າໜ້າທີ່ກ່ຽວຂ້ອງຂອງມາເລເຊຍກ່ຽວກັບບັບຫາຕ່າງໆເປັນຕົ້ນການສົ່ງສົບຂອງຜູ້ຊາຍປະເທດຕົນທີ່ເສຍຊີວິດ,ການປ່ອຍຜູ້ຕ້ອງສົງໄສສັນຊາດສປປເກົາຫຼີ,ການພັດທະນາສາຍສຳພັນຖະໄມຕີລະຫວ່າງສອງປະເທດແລະອື່ນໆ.ແນວໃດກໍດີ,ຍັງບໍ່ທັນຮູ້ວ່າຈະພົບກັບບຸກຄົນໃດ.