ວັນທີ 1 ມີນານີ້ຢູ່ນະຄອນຫຼວງເນປີດໍມຽນມາ, ຄະນະກຳມະການພັດທະນາແລະປະຕິຮູບແຫ່ງລັດຈີນໄດ້ມອບເຕົາໄຟສະອາດ 1 ໝື່ນໜ່ວຍແລະລະບົບຜະລິດໄຟຟ້າດ້ວຍແສງຕາເວັນໃຊ້ໃນເຮືອນຂະໜາດ 100 ວັດ 5000 ຊຸດໃຫ້ກະຊວງຊັບພະຍາກອນທຳມະຊາດແລະການອະນຸລັກສິ່ງແວດລ້ອມປະເທດດັ່ງກ່າວເພື່ອປະກອບສ່ວນໃຫ້ແກ່ການສະໜອງພະລັງງານທີ່ສະອາດ ທັງປັບປຸງເງື່ອນໄຂການດຳລົງຊີວິດຂອງກະສິກອນໃຫ້ດີຂຶ້ນ ແລະຊ່ວຍຫຼຸດຜ່ອນການປ່ອຍອາຍພິດເຮືອນແກ້ວແລະຮັບມືກັບການປ່ຽນແປງຂອງດິນຟ້າອາກາດ.
ທ່ານເຊ້ເຈີ້ນຮວາ ຜູ້ຕາງໜ້າພິເສດຂອງຈີນໃນວຽກງານການປ່ຽນແປງຂອງດິນຟ້າອາກາດ, ທ່ານອົງວິນ ລັດຖະມົນຕີກະຊວງຊັບພະຍາກອນທຳມະຊາດແລະການອະນຸລັກສິ່ງແວດລ້ອມມຽນມາ, ທ່ານນາງຣາດາ ມູສຮາ ຫົວໜ້າຄະນະບໍລິຫານງານສະຫະພັນເຕົາໄຟທີ່ສະອາດໂລກແລະແຂກຖືກເຊີນໄດ້ເຂົ້າຮ່ວມພິທີດັ່ງກ່າວ.
ນີ້ເປັນອີກໜຶ່ງຜົນສຳເລັດສຳຄັນໃນການຮ່ວມມືໃຕ້ໆເພື່ອຮັບມືກັບການປ່ຽນແປງຂອງດິນຟ້າອາກາດ ທັງເປັນການຄົ້ນຄວ້າຢ່າງມີປະສິດທິຜົນຂອງຈີນ-ມຽນມາໃນການຮ່ວມມືຮັບມືກັບສິ່ງທ້າທາຍຈາກການປ່ຽນແປງຂອງດິນຟ້າອາກາດ. ກ່ອນໜ້ານີ້, ບໍລິສັດຈີນທີ່ສະໜອງອຸປະກອນດັ່ງກ່າວໄດ້ຍົກລະດັບເຕັກນິກການນຳໃຊ້ແລະຮັກສາອຸປະກອນໃຫ້ແກ່ເຈົ້າໜ້າທີ່ແລະນັກວິຊາການເກືອບ 40 ຄົນຈາກຂະແໜງການປ່າໄມ້ 14 ແຂວງພ້ອມດ້ວຍພະແນກປູກພືດໃສ່ເຂດແຫ້ງແລ້ງຂອງມຽນມາ.