ຍັງອີກບໍ່ເທົ່າໃດມື້ກໍຈະກ້າວເຂົ້າສູ່ກອງປະຊຸມສອງສະພາຂອງຈີນ. ເຊິ່ງຜົນສຳເລັດໃນການພັດທະນາແລະກອງປະຊຸມສອງສະພາລ້ວນແຕ່ໄດ້ຮັບຄວາມສົນໃຈຢ່າງກວ້າງຂວາງຈາກຫາງສຽງໂລກ ລວມທັງສື່ມວນຊົນແລະນັກວິຊາການຂອງອາຊຽນ.
ໜັງສືພິມລຽນເຮີຈາວປ້າວຂອງສິງກະໂປໄດ້ພິມບົດຄວາມທີ່ພາດຫົວວ່າ "ເປັນຫຍັງທົ່ວໂລກຄອງຄອຍຈີນປີ 2017 " ຂຽນໂດຍຫົວໜ້າສະຖາບັນຄົ້ນຄວ້າອາຊີຕາເວັນອອກຂອງມະຫາວິທະຍາໄລແຫ່ງຊາດສິງກະໂປ ເຊິ່ງບົດຄວາມດັ່ງກ່າວຊີ້ໃຫ້ເຫັນວ່າ: ກອງປະຊຸມສອງສະພາທີ່ຈະຈັດຂຶ້ນໃນຕົ້ນເດືອນມີນານີ້, ກອງປະຊຸມລະຫວ່າງຊາດໃນບັນຫາຍຸດທະສາດ "ໜຶ່ງແລວທາງໜຶ່ງເສັ້ນທາງ" ຈະຈັດຂຶ້ນໃນເດືອນພຶດສະພາປີນີ້, ກອງປະຊຸມຜູ້ນຳປະເທດບຣິກສ໌ເຊ້ຍເມີນຈະຈັດຂຶ້ນໃນເດືອນກັນຍາປີນີ້ ແລະ ກອງປະຊຸມຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນຈະຈັດຂຶ້ນໃນເດືອນຕຸລາປີນີ້ນັ້ນ ລ້ວນແຕ່ໄດ້ຮັບຄວາມສົນໃຈຈາກທົ່ວໂລກ. ທີ່ຈິງແລ້ວ, ທິດທາງການພັດທະນາໃດໆຂອງວຽກງານພາຍໃນແລະການຕ່າງປະເທດຂອງຈີນໃນປັດຈຸບັນລ້ວນແຕ່ຈະໄດ້ຮັບຄວາມສົນໃຈຈາກໂລກ ເຊິ່ງຄວາມສົນໃຈດັ່ງກ່າວໄດ້ເປັນສິ່ງຈຳເປັນທີ່ມີສ່ວນພົວພັນກັບຜົນປະໂຫຍດຂອງຕົນສຳຄັນບັນດາປະເທດ.
ທ່ານ ບຳບັງ ຊຸໂຢໂນ ປະທານກອງທຶນນານຢາງອາຊຽນຂອງອິນໂດເນເຊຍເຫັນວ່າ: ຮູບແບບການພັດທະນາຂອງຈີນໄດ້ເປັນແຮງດຶງດູດໃນໂລກນັບມື້ຫຼາຍຂຶ້ນ ແລະ ກໍເປັນບົດຮຽນໃຫ້ແກ່ຜົນສຳເລັດຂອງປະເທດທີ່ພວມພັດທະນາ. ຈາກນີ້,ລັດຖະບານອິນໂດເນເຊຍຄວນຖອດຖອນບົດຮຽນໃນການຫຼຸດຜ່ອນຄວາມທຸກຍາກຂອງຈີນເພື່ອຫຼຸດຜ່ອນສະພາບຄວາມທຸກຍາກຂອງປະເທດຕົນໂດຍພື້ນຖານ.
ທ່ານ ຮຸນຫົວໜ້າຜູ້ບໍລິຫານງານຂອງສະພາຜູ້ຊົງຄຸນວຸດທິຊຽມຣຽບຂອງໄທເຫັນວ່າ: ປີ 2016, ວຽກງານການຕ່າງປະເທດຂອງຈີນມີຄວາມເປັນເຈົ້າການ, ໄດ້ຮັບຄວາມຄືບໜ້າຫຼາຍຂຶ້ນ, ມີຄວາມໝັ້ນໃຈ ແລະມີຄວາມໂດດເດັ່ນຫຼາຍຂຶ້ນ. ການຊຸກຍູ້ວຽກງານການຕ່າງປະເທດໃຫ້ຄືບໜ້າຢ່າງຮອບດ້ານຈະສາມາດເຮັດໃຫ້ການພົວພັນທາງການເມືອງລະຫວ່າງຈີນ ແລະ ປະເທດອື່ນໆມີຄວາມໜັກແໜ້ນຍິ່ງຂຶ້ນ.
 |
