ທ່ານ ຈ່າງເວີນຊິ້ງ ຜູ້ຮັບຜິດຊອບໂຄງການໄຂ້ຫວັດໃຫຍ່ທົ່ວໂລກອົງການອະນາໄມໂລກ ໄດ້ແຈ້ງສະພາບຫຼ້າສຸດພະຍາດໄຂ້ຫວັດສັດປີກສາຍພັນ H7N9 ຢູ່ຈີນຢູ່ເຊີແນວ ໂດຍຊີ້ວ່າ, ໄວຣັດໄຂ້ຫວັດສັດປີກສາຍພັນ H7N9 ທີ່ພົບເຫັນໃນ ຮອບນີ້ ປາກົດມີຈຸດພິເສດໃໝ່, ແຕ່ໂດຍລວມແລ້ວ ມີຄວາມສ່ຽງຕ່ຳໃນການຕິດແປດລະຫວ່າງຄົນຕໍ່ຄົນຢ່າງຕໍ່ເນື່ອງ.
ທ່ານ ຈ່າງເວີນຊີ້ງ ກ່າວຕື່ມວ່າ, ການປ່ຽນແປງລັກສະນະພາໃຫ້ເປັນພະຍາດໄວຣັດຊະນິດນີ້ ເກີດຂຶ້ນສະເພາະແຕ່ສັດປີກເທົ່ານັ້ນ, ແລະບໍ່ຕິດຕໍ່ສູ່ມະນຸດ. ແນວໃດກໍດີ, ປັດຈຸບັນ ບໍ່ມີຫຼັກຖານໃດຢັ້ງຢືນວ່າ, ການປ່ຽນແປງຂອງໄວຣັດກະທົບເຖິງລັກສະນະພາໃຫ້ເປັນພະຍາດແລະການຕິດແປດຂອງຜູ້ຕິດໄວຣັດ.