ວັນທີ 2 ມີນານີ້, ຢູ່ເມືອງຣືເສາະແຂວງນະຣາທິວາດຢູ່ພາກໃຕ້ໄທໄດ້ເກີດເຫດຍິງລົດຢ່າງໂຫດຮ້າຍເຊິ່ງໄດ້ເຮັດໃຫ້ປະຊາຊົນ 4 ຄົນເສຍຊີວິດ, ໃນນີ້ມີເດັກຊາຍອາຍຸ 8 ປີໜຶ່ງຄົນແລະ 1 ຄົນບາດເຈັບ.
ສື່ມວນຊົນໄທລາຍງານວ່າ: ໃນເວລາ 7 ໂມງ 40 ນາທີຂອງວັນດັ່ງກ່າວ, ຜູ້ຊາຍອາຍຸ 57 ປີຜູ້ໜຶ່ງໄດ້ຖືກຍິງຂະນະຂັບລົດສົ່ງລູກໄປໂຮງຮຽນ, ຫຼັງຈາກນັ້ນຄົນຮ້າຍກໍຍິງລົດສົ່ງຜົນເຮັດໃຫ້ 4 ຄົນຢູ່ໃນລົດເສຍຊີວິດຄາທີ່, ໃນນີ້ເປັນຜູ້ໃຫຍ່ 3 ຄົນແລະເດັກຊາຍອາຍຸ 8 ປີໜຶ່ງຄົນ ຂະນະທີ່ອີກ 2 ຄົນທີ່ໂດຍສານໄປນຳ. ປັດຈຸບັນ, ຕຳຫຼວດພວມເລັ່ງສືບສວນຄະດີດັ່ງກ່າວ ແລະ ໄລ່ຈັບຄົນຮ້າຍ.
ຕະຫຼອດໄລຍະ 10 ກວ່າປີຜ່ານມາ, ຢູ່ພາກໃຕ້ໄທໄດ້ເກີດເຫດການຮຸນແຮງຂຶ້ນຢ່າງຕໍ່ເນື່ອງ. ຂະນະທີ່ຫວ່າງມໍ່ໆມານີ້, ທ່ານ ປະຍຸດ ຈັນໂອຊາ ນາຍົກລັດຖະມົນຕີໄທກໍກ່າວວ່າ: ລັດຖະບານໄດ້ໃຫ້ຄວາມສຳຄັນຕໍ່ການແກ້ໄຂບັນຫາຄວາມບໍ່ສະຫງົບຢູ່ພາກໃຕ້ປະເທດຕົນໂດຍຜ່ານການເຈລະຈາສັນຕິພາບ.