ຕາມຂ່າວສານຈີນ: ທ່ານ ອາເຮີມັດ ຈາຮິດ ຮາມີດີ ຮອງນາຍົກລັດຖະມົນຕີມາເລເຊຍກ່າວຢູ່ນະຄອນຫຼວງກົວລາລຳເປີເມື່ອວັນທີ 2 ມີນານີ້ວ່າ, ນັບແຕ່ອາທິດໜ້າເປັນຕົ້ນໄປ, ພົນລະເມືອງສປປເກົາຫຼີທຸກຄົນທີ່ເຂົ້າມາເລເຊຍ ຕ້ອງໄດ້ຂໍວີຊາ ເຊິ່ງມາດຕະການດັ່ງກ່າວຊີ້ໃຫ້ເຫັນວ່າ, ມາເລເຊຍໄດ້ຍົກເລີກນະໂຍບາຍການຍົກເວັ້ນວີຊາໃຫ້ພົນລະເມືອງສປປເກົາຫຼີແລ້ວ.
ທ່ານ ຈາຮີດ ກ່າວໃນໂອກາດເຂົ້າຮ່ວມພິມີມອບລາງວັນການບໍລິການດີເດັ່ນຂອງກະຊວງພາຍໃນໃນມື້ດັ່ງກ່າວວ່າ, ນັບແຕ່ວັນທີ 6 ມີນານີ້ເປັນຕົ້ນໄປ, ພົນລະເມືອງສປປເກົາຫລີບໍ່ວ່າຈະເປັນໃຜ ຖ້າເດີນທາງມາມາເລເຊຍຕ້ອງໄດ້ມີວີຊາ ເຊິ່ງການປະກາດມາດຕະການດັ່ງກ່າວກໍເພື່ອຄວາມໝັ້ນຄົງຂອງຊາດ.