ປະຊາຊົນເມືອງຊິງຈູ ແຂວງຊິງຊາງເໜືອ ສ.ເກົາຫຼີ ໄດ້ໂຮມຊຸມນຸມແສງທຽນຄັດຄ້ານການຕິດຕັ້ງລະບົບຕ້ານຂີປະນາວຸດ THAAD ຄັ້ງທີ 235 ໃນຕອນຄ່ຳວັນທີ 4 ມີນານີ້ ທີ່ເປັນການຮ່ວມມືລະຫວ່າງອາເມລິກາແລະປະເທດຕົນຢ່າງຮຸນແຮງ.
ຜູ້ເຂົ້າຮ່ວມຊຸມນຸມເຫັນວ່າ, ແຜນການຕິດຕັ້ງລະບົບ THAAD ເປັນເລື່ອງຜິດກົດໝາຍ ແລະ ບໍ່ມີປະສິດທິຜົນ ໂດຍບໍ່ໄດ້ເຄົາລົບລະບຽບການທີ່ກ່ຽວຂ້ອງ ທັງບໍ່ໄດ້ຂໍຄວາມເຫັນດີເຫັນພ້ອມຈາກປະຊາຊົນທ້ອງຖິ່ນມາກ່ອນ. ຂະນະທີ່ທ່ານລີແຈດົງ ຜູ້ຮັບຜິດຊອບຄະນະຊາວເມືອງທ້ອງຖິ່ນກ່າວວ່າ: ລະບົບ THAAD ຈະບໍ່ສາມາດປົກປັກຮັກສາປະເທດຕົນໄດ້ ແຕ່ມັນຍັງຈະນຳເອົາອັນຕະລາຍມາສູ່ປະເທດຕົນ ແລະ ຜູ້ໄດ້ຮັບຜົນປະໂຫຍດໃນທີ່ສຸດກໍແມ່ນອາເມລິກາແລະຍີ່ປຸ່ນ. ສະນັ້ນ, ຈຶ່ງບໍ່ມີເຫດຜົນໃດໆທີ່ຈະຕິດຕັ້ງລະບົບດັ່ງກ່າວ.
ເດືອນກໍລະກົດປີຜ່ານມາ, ສ.ເກົາຫຼີ ແລະ ອາເມລິກາໄດ້ປະກາດວ່າຈະຕິດຕັ້ງລະບົບຕ້ານຂີປະນາວຸດຢູ່ ສ.ເກົາຫຼີ, ແຕ່ໄດ້ຖືກຊາວເມືອງເປັນຈຳນວນຫຼາຍ, ອົງການສາສະໜາ ແລະຫຼາຍປະເທດທີ່ກ່ຽວຂ້ອງ ລວມທັງຈີນ ໄດ້ຄັດຄ້ານຢ່າງເດັດດ່ຽວ, ແຕ່ເຈົ້າໜ້າທີ່ທະຫານ ສ.ເກົາຫຼີ ກໍໄດ້ວາງແຜນຈະນຳເອົາລະບົບດັ່ງກ່າວເຂົ້າສູ່ປະເທດຕົນໃຫ້ສຳເລັດລະຫວ່າງເດືອນພຶດສະພາຫາເດືອນກໍລະກົດປີນີ້.