ທ່ານ​ຫຼີ​ເຄີ້ສຽງຢືນຢັນ: ຈະ​ເປັນ​ຜູ້​ສ້າງສັນດ້ານ​ສັນຕິພາບ​ຂອງ​ໂລກ, ຜູ້​ພັດທະນາ​​ແລະຜູ້​ຮັກສາ​ຄວາມ​ເປັນ​ລະບຽບຂອງ​ໂລກ
2017-03-05 14:44:42  cri 
ຕາມ​ຂ່າວCRI: ວັນ​ທີ 5 ມີນາ​ນີ້, ທ່ານ​ຫຼີ​ເຄີ້ສຽງ, ນາຍົກ​ລັດຖະມົນຕີ​ຈີນ​​ໄດ້​ຂຶ້ນຜ່ານບົດ​ລາຍ​ງານ​ວຽກ​ງານ​ຂອງ​ລັດຖະບານ​​ໂດຍ​ຊີ້​ໃຫ້​ເຫັນວ່າ, ​ໂດຍ​ປະ​ເຊີນ​ໜ້າ​ກັບການ​ປ່ຽນ​ແປງ​ຢ່າງ​ເລິກ​ເຊິ່ງຕໍ່​ສະພາ​ບ​ເສດຖະກິດ​ການ​ເມືອງ​​ຂອງໂລກ, ຈີນ​ຈະ​​ຢືນ​ຢູ່​ຂ້າງ​ສັນຕິພາບ​ແລະ​ສະຖຽນ​ລະ​ພາບ​ໂດຍ​ຕະຫຼອດ, ທັງຢືນ​ຢູ່​ຂ້າງ​ຄວາມ​ຍຸຕິ​ທຳ​ແລະ​ຄວາມ​ເປັນ​ທຳ, ​ເປັນຜູ້​ສ້າງສັນຕິພາບ​, ຜູ້​​ພັດທະນາ​​ແລະຜູ້​ຮັກສາ​ຄວາມ​ເປັນ​ລະບຽບຂອງ​ໂລກ.

ທ່ານຫີ​ເຄີ້ສຽງ​ກ່າວ​ວ່າ, ຈີນ​ຈະ​ຍຶດໝັ້ນ​ເດີນ​ຕາມ​ເສັ້ນທາງການ​ພັດທະນາ​ໂດຍ​ສັນຕິ, ທັງຍຶດໝັ້ນ​ປົກ​ປັກ​ຮັກສາ​ອຳນາດ​ອິດ​ທິພົນ​ແລະ​ຜົນ​ສັກສິດ​ຂອງ​ລະບອບ​ຫຼາຍ​ຝ່າຍ, ຂະນະ​ດຽວ​ກັນ​ກໍຄັດຄ້ານ​ຕໍ່​ລັດທິ​ການ​ຮັກສາ​ດ້ວຍ​ຮູບ​ການ​ໃດໆ, ​ເຂົ້າ​ຮ່ວມ​ຂະ​ບວນການ​ປົວ​ແປງ​ທົ່ວ​ໂລກ​ຢ່າງ​ເລິກ​ເຊິ່ງ, ຊີ້ນຳ​​ໃຫ້​ເກີດ​ການ​ຫັນ​ເສດຖະກິດ​ທົ່ວ​ໂລກ​ເປັນ​ການພັດທະນາ​ຕາມ​ທິດ​ທາງ​ທີ່​ລວມສູນ​ຫຼາກ​ຫຼາຍ​ວັດທະນະ​ທໍາ​​​ແລະ​ມີ​ຜົນ​ປະ​ໂຫຍ​ດຮ່ວມ​ກັນ, ມີ​ຄວາມ​ຍຸຕິ​ທໍາ​ແລະ​ສົມ​ເຫດ​ສົມ​ຜົນ. ທັງພະຍາຍາມ​ສ້າງສາ​ສະພາບ​ແວດ​ລ້ອມ​ທີ່​​​ໄວ້​ເນື້ອ​ເຊື່ອ​ໃຈ​ຖານ​ບ້ານ​ໃກ້​ເຮືອ​ນຄຽງ​ແລະ​​ພັດທະນາ​ຮ່ວມ​ກັນກໍ​ຄື​ກັນ, ຍົກ​ສູງ​ລະດັບ​ການ​ຮ່ວມ​ມື​ລະຫວ່າ​ງບັນດາ​ປະ​ເທດ​ທີ່​ກໍາລັງ​ພັດທະນາ​ຢ່າງຮອບດ້ານ.

ທ່ານ​ກ່າວ​ຕື່ມວ່າ, ພວກ​ເຮົາ​ຍິນ​ດີ​ຮ່ວມ​ກັນ​ກັບ​ປະຊາ​ຄົມ​ໂລກ. ພະຍາຍາມ​​ເສີມ​ສ້າງສາ​ຍ​ພົວພັນ​ສາກົນ​ແບບ​ໃໝ່​ທີ່​ຖື​ເອົາ​ການ​ຮ່ວມ​ມື​ດ້ວຍ​ການມີ​ຜົນ​ປະ​ໂຫຍ​ດຮ່ວມ​ກັນ​ເປັນ​​ໃຈກາງ​ແລະປະກອ​ບສ່ວນ​ໃໝ່​ເຂົ້າ​ໃນ​ການ​ກໍ່ສ້າງ​ປະຊາຄົມ​ຮ່ວມ​ໂຊກ​ຊະຕາ​ຂອງ​ມວນ​ມະນຸດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ