ທ່ານຫວາງສີຊ່ານ ກຳມະການປະຈຳກົມການເມືອງສູນກາງພັກ, ປະທານຄະນະກຳມະການກວດກາວິໄນສູນກາງພັກກອມມູນິດຈີນ ໄດ້ເຂົ້າຮ່ວມການຄົ້ນຄວ້າພິຈາລະນາຂອງຄະນະຜູ້ແທນນະຄອນຫຼວງປັກກິ່ງໃນຕອນບ່າຍວັນທີ 5 ມີນານີ້ ແລະໄດ້ກ່າວເນັ້ນວ່າ: ການຄົ້ນຄວ້າຊ່ອງທາງຕິດຕາມຕົນເອງຢ່າງມີປະສິດທິຜົນໃນເງື່ອນໄຂທີ່ພັກກຳອຳນາດເປັນໄລຍະຍາວນານ ໄດ້ກ່ຽວພັນເຖິງການຍຶດໝັ້ນ ແລະ ເພີ່ມທະວີການນຳພາຂອງພັກ ລວມທັງກ່ຽວພັນເຖິງການຍົກຄວາມສາມາດກຳອຳນາດ ແລະ ລະດັບການປົກຄອງຂອງພັກໃຫ້ສູງຂຶ້ນ. ຂະນະດຽວກັນ ກໍຄວນລົງເລິກການປະຕິຮູບໂຄງປະກອບການກວດກາລັດຖະບານ ແລະ ສ້າງໂຄງປະກອບຕ້ານການສໍ້ລາດບັງຫຼວງໃຕ້ການນຳພາຂອງພັກຢ່າງເປັນເອກະພາບ ດ້ວຍຄວາມກ້າຫານໃນການປະຕິວັດຕົນເອງ.
ທ່ານຫວາງສີຊ່ານ ຊີ້ວ່າ: ຄວນປະສານສົມທົບກັນຢ່າງກາຍະອິນຊີລະຫວ່າງການຄຸ້ມຄອງບໍລິຫານພັກຢ່າງເຂັ້ມງວດຮອບດ້ານ ແລະ ການລົງເລິກການປະຕິຮູບຢ່າງຮອບດ້ານ ພ້ອມດ້ວຍການປົກຄອງປະເທດດ້ວຍກົດໝາຍຢ່າງຮອບດ້ານ, ຜ່ານການສ້າງກົດໝາຍວ່າດ້ວຍການກວດກາລັດຖະບານ ຈະເຮັດໃຫ້ຄະນະກະມຳການກວດກາລັດຖະບານມີອຳນາດການກວດກາທີ່ຈຳເປັນ ແລະ ເຮັດໃຫ້ຈຸດຢືນຂອງພັກກາຍເປັນເຈຕະນາລົມຂອງລັດ.
