ຕາມຂ່າວສານຊິນຮວາ: ທ່ານຊິວເຈ໋ຍ ລັດຖະມົນຕີກະຊວງການເງິນຈີນເປີດເຜີຍໃນວັນທີ 7 ມີນານີ້ວ່າ, ມາຮອດທ້າຍປີ 2016, ໜີ້ສິນຂອງລັດຖະບານແລະອຳນາດການປົກຄອງທ້ອງຖິ່ນຈີນມີເຖິງ 27330 ຕື້ຢວນ ແລະກວມເອົາ 36,7% ຂອງ GDP ຂອງຈີນຕາມການເປີດເຜີຍຂອງກົມສະຖິຕິແຫ່ງຊາດຫວ່າງແລ້ວນີ້ບໍ່ດົນ, ອັດຕາຕິດໜີ້ແມ່ນ.
ທ່ານຊິວເຈ໋ຍກ່າວໃນພິທີຖະແຫຼງຂ່າວຂອງກອງປະຊຸມສະພາປະຊາຊົນແຫ່ງຊາດຈີນຄັ້ງທີ 5 ສະໄໝທີ 12 ໃນມື້ດັ່ງກ່າວວ່າ, ອັດຕາຕິດໜີ້ຂອງລັດຖະບານແລະອຳນາດການປົກຄອງຈີນບໍ່ສູງປານໃດ ແລະກໍາດວ່າເມື່ອຮອດທ້າຍປີນີ້, ອັດຕາຕິດໜີ້ກໍຈະບໍ່ປ່ຽນແປງຫຼາຍ. ແນວໃດກໍດີ ເມື່ອທຽບໃສ່ລະດັບສາກົນແລ້ວ, ຖືວ່າຍັງມີຊ່ອງຫວ່າງເພີ່ມຂຶ້ນໜ້ອຍໜຶ່ງ.
ທ່ານກ່າວຕື່ມວ່າ, ເພື່ອປ້ອງກັນຄວາມສ່ຽງດ້ານໜີ້ສິນຂອງອຳນາດການປົກຄອງທ້ອງຖິ່ນ, ກະຊວງການເງິນໄດ້ເອົາໃຈໃສ່ສູງ ໂດຍໄດ້ສ້າງລະບຽບການຕ່າງໆ ເຊັ່ນ: ຮ່າງແຜນການຮັບມືສຸກເສີນຕໍ່ຄວາມສ່ຽງ, ການຊີ້ນຳແກ້ໄຂບັນຫາຕາມປະເພດ ແລະອື່ນໆ.
 |
