ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນ ໄດ້ຢືນຢັນໃນພິທີຖະແຫຼງຂ່າວໃນວັນທີ 8 ມີນານີ້ວ່າ: ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນເປັນຕົ້ນມາ ແລະ ໃຕ້ການນຳພາທີ່ເດັດດ່ຽວຂອງສູນກາງພັກໂດຍມີທ່ານສີຈິ້ນຜິງ ເປັນແກນນຳ, ເຖິງວ່າການຕ່າງປະເທດຂອງຈີນປະສົບຄວາມຫຍຸ້ງຍາກຕ່າງໆນານາ, ແຕ່ກໍສາມາດບຸກເບີກມາສູ່ຄວາມກ້າວໜ້າ ແລະໄດ້ຮັບຜົນສຳເລັດທີ່ສຳຄັນຕ່າງໆ ໂດຍອີງຕາມ 3 ຈຸດພິເສດທີ່ຈະແຈ້ງ ຄື:
ກ່ອນອື່ນແມ່ນຄວາມກ້າວໜ້າ. ທ່ານສີຈິ້ນຜິງ ເລຂາທິການໃຫຍ່ ໄດ້ຢືນຢູ່ແຖວໜ້າຂອງກະແສຍຸກສະໄໝ ທັງກຳໄດ້ທິດທາງປະຫວັດສາດ ແລະໄດ້ສະເໜີແນວຄິດໃໝ່, ທັດສະນະໃໝ່ຢ່າງເປັນລະບົບ ເປັນຕົ້ນສົ່ງເສີມການສົນທະນາແຕ່ບໍ່ເປັນປໍລະປັກກັນ, ຜູກສຳພັນເປັນຄູ່ຮ່ວມແຕ່ບໍ່ສ້າງເປັນພັນທະມິດ ພ້ອມທັງສ້າງການພົວພັນສາກົນແບບໃໝ່ທີ່ຖືເອົາການຮ່ວມມືແບບຕ່າງຝ່າຍຕ່າງມີຜົນປະໂຫຍດເປັນໃຈກາງ.
ສອງແມ່ນການບຸກເບີກ. ພວກຂ້າພະເຈົ້າໄດ້ສ້າງຕາໜ່າງສາຍພົວພັນຄູ່ຮ່ວມທີ່ກວມເອົາທົ່ວໂລກ ໂດຍໄດ້ສົ່ງເສີມແລະຊຸກຍູ້ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ໄດ້ຂຽນໜ້າປະຫວັດສາດໃໝ່ຂອງຈີນທີ່ເປີດປະຕູສູ່ພາຍນອກແລະການຮ່ວມມືແບບຕ່າງຝ່າຍຕ່າງມີຜົນປະໂຫຍດຮອບໃໝ່.
ສາມກໍຄືຄວາມໝັ້ນຄົງ. ພວກຂ້າພະເຈົ້າຍຶດໝັ້ນເດີນຕາມເສັ້ນທາງພັດທະນາໂດຍສັນຕິແລະສະເໝີຕົ້ນສະເໝີປາຍ, ມີຈຸດຢືນໃຫ້ດຳເນີນການປະຕິຮູບແລະປັບປຸງໃນການປົກປ້ອງເສັ້ນທາງດັ່ງກ່າວໃຫ້ສົມບູນ, ພວກຂ້າພະເຈົ້າຍົກຄັນທຸງແຫ່ງລັດທິຫຼາຍຝ່າຍ, ເປີດກວ້າງ ແລະ ກວມລວມ ຢ່າງສະເໝີຕົ້ນສະເໝີປາຍ ແລະທັງໝົດນີ້ໄດ້ສະແດງໃຫ້ເຫັນເຖິງຄວາມມີສະມາທິແລະຄວາມໝັ້ນໃຈຂອງຈີນຢ່າງເຕັມສ່ວນ.
