ໃນພິທີຖະແຫຼງຂ່າວຂອງກອງປະຊຸມສະພາປະຊາຊົນແຫ່ງຊາດຈີນຄັ້ງທີ 5 ສະໄໝທີ 12, ທ່ານວາງຢີ້ ລັດຖະມົນຕີກະຊວງການຕ່າງປະເທດຈີນກ່າວເຖິງການພົວພັນຈີນອາເມລິກາວ່າ ຜ່ານການແລກປ່ຽນຢ່າງແໜ້ນແຟ້ນແລະຄວາມພະຍາຍາມຮ່ວມຂອງສອງຝ່າຍ, ການພົວພັນຈີນອາເມລິກາພວມຂະຫຍາຍໄປສູ່ທິດຕັ້ງໜ້າຢ່າງໜັກແໜ້ນ.
ທ່ານວາງຢີ້ກ່າວວ່າ, ສອງປະເທດພວມດຳເນີນການແລກປ່ຽນຢ່າງເປັນຮູບປະທຳເພື່ອບັນລຸການໄປມາຫາສູ່ກັນລະຫວ່າງປະມຸກລັດສອງປະເທດແລະເຈົ້າໜ້າທີ່ລະດັບຕ່າງໆ ແລະເປີດກວ້າງການຮ່ວມມືໃນທຸກຂົງເຂດ. ທັງນີ້ຂໍພຽງແຕ່ປະຕິບັດຕາມຄວາມເປັນເອກະພາບກັນລະຫວ່າງປະມຸກລັດສອງປະເທດ, ປະຕິບັດຕາມຫຼັກການບໍ່ປະທະກັນ, ບໍ່ເປັນປໍລະປັກກັນ, ຕ່າງຝ່າຍຕ່າງເຄົາລົບກັນ ແລະຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ, ສອງປະເທດຈີນອາເມລິກາກໍຈະສາມາດກາຍເປັນຄູ່ຮ່ວມມືທີ່ດີ.
 |
