ທ່ານ ເຊີນຮາວ ຜູ້ແທນສະພາປະຊາຊົນແຫ່ງຊາດ ທັງເປັນເລຂາຄະນະພັກແຂວງຢູນນານຈີນ ໃຫ້ສຳພາດຕໍ່ນັກຂ່າວ ໃນໜ່ວຍຄົ້ນຄວ້າຂອງຄະນະຜູ້ແທນແຂວງຕົນຂອງກອງປະຊຸມສະພາປະຊາຊົນແຫ່ງຊາດຈີນຄັ້ງທີ 5 ຊຸດທີ 12 ໃນວັນທີ 7 ມີນານີ້ວ່າ, ແຂວງຕົນຈະຊຸກຍູ້ການເຊື່ອມຈອດກັບປະເທດອ້ອມຂ້າງໃນອາຊີຕາເວັນອອກສຽງໃຕ້ແລະອາຊີໃຕ້ຕື່ມອີກ.
ທ່ານ ເຊີນຮາວ ໃຫ້ຮູ້ວ່າ, ແຂວງຕົນກຳລັງກຳນົດວຽກງານດັ່ງກ່າວຢ່າງຂຸ້ນຂ້ຽວ ໂດຍໄດ້ລົງມືກໍ່ສ້າງທາງລົດໄຟຈີນ-ລາວແລ້ວ ແລະຈະຊຸກຍູ້ການກໍ່ສ້າງ ໃຫ້ໄວຂຶ້ນຕື່ມ. ຂະນະດຽວກັນ, ແຂວງຕົນຍັງຈະເພີ່ມທະວີການແລກປ່ຽນດ້ານເສດຖະກິດການຄ້າແລະວັດທະນະທຳກັບປະເທດອ້ອມຂ້າງເວົ້າລວມ, ເວົ້າສະເພາະປະເທດໃນອາຊີຕາເວັນອອກສຽງໃຕ້ແລະອາຊີໃຕ້.
ທ່ານຍັງກ່າວຕື່ມວ່າ, ການຈໍລະຈອນສິນຄ້າຂ້າມຊາດ ແມ່ນອຸດສາຫະກຳທີ່ແຂວງຕົນຈະເລັ່ງສົ່ງເສີມໃນຕໍ່ໜ້າ ແລະເຊື່ອວ່າ, ຈະຊຸກຍູ້ການເຊື່ອມຈອດກັບປະເທດເຫຼົ່ານີ້ໄດ້ຢ່າງແນ່ນອນ.
 |
