ທ່ານວາງຢີ້ ລັດຖະມົນຕີກະຊວງການຕ່າງປະເທດຈີນກ່າວໃນພິທີຖະແຫຼງຂ່າວ "ກອງປະຊຸມສອງສະພາ" ທີ່ຈັດຂຶ້ນໃນວັນທີ 8 ມີນານີ້ວ່າ ປີ 2016 ແມ່ນປີທີ່ຈີນ-ອາຊຽນສ້າງຕັ້ງຄູ່ເຈລະຈາຄົບຮອບ 25 ປີ ແລະກໍເປັນປີຄົບຮອບ 50 ປີໃນການອາຊຽນສ້າງຕັ້ງອາຊຽນ, ນອກນີ້ ຈີນຈະສະໜັບສະໜູນຟີລິບປິນປະຕິບັດໜ້າທີ່ເປັນປະເທດປະທານວຽນອາຊຽນ ແລະສະໜັບສະໜູນການສ້າງປະຊາຄົມອາຊຽນ.
ທ່ານວາງຢີ້ກ່າວວ່າ, ພວກເຮົາຍິນດີລົງເລິກການເຊື່ອມຕໍ່ກັນ ແລະການຮ່ວມມືດ້ານຄວາມສາມາດການຜະລິດ, ຊຸກຍູ້ການຍົກລະດັບເຂດການຄ້າເສລີຈີນ-ອາຊຽນໄດ້ປະຕິບັດຕົວຈິງ ແລະຊຸກຍູ້ການເຈລະຈາການພົວພັນຄູ່ເສດຖະກິດຮອບດ້ານຂອງພາກພື້ນ ຫຼື RCEP ໃຫ້ສຳເລັດລົງໂດຍໄວ. ຂະນະດຽວກັນກໍຍິນດີຮ່ວມກັບອາຊຽນຈັດ "ປີທ່ອງທ່ຽວຈີນ-ອາຊຽນ" ແລະພະຍາຍາມເຮັດໃຫ້ການໄປມາຫາສູ່ດ້ານບຸກຄະລາກອນລະຫວ່າງຈີນ-ອາຊຽນບັນລຸເຖິງ 30 ລ້ານເທື່ອຄົນໃນປີ 2020.
ທ່ານວາງຢີ້ກ່າວຕື່ມວ່າ, ນອກນີ້, ພວກເຮົາຍັງຍິນດີຍົກລະດັບການຮ່ວມມືແມ່ນ້ຳລ້ານຊ້າງແມ່ນ້ຳຂອງ ໂດຍຈະກໍ່ສ້າງສຳນັກເລຂາປະຈຳຈີນຂອງກົນໄກການຮ່ວມມືແມ່ນ້ຳລ້ານຊ້າງແມ່ນ້ຳຂອງໃນໄວໆນີ້ ລວມທັງຫວັງໃຫ້ກົນໄກການຮ່ວມມືດັ່ງກ່າວກາຍເປັນກົນໄກການຮ່ວມມືທີ່ດີສຳລັບການສ້າງປະຊາຄົມຮ່ວມຊະຕາກຳເຂດອ້ອມຂ້າງ ແລະເສີມຂະຫຍາຍບົດບາດຂະບວນການເຊື່ອມໂຍງເຂົ້າກັນຂອງພາກພື້ນໃຫ້ຍິ່ງໃຫຍ່ກວ່າເກົ່າ.