ທ່ານເສິນຈື້ລີ້ ກຳມະການປະຈຳສະພາປຶກສາການເມືອງປະຊາຊົນແຫ່ງຊາດຈີນ, ປະທານຄະນະພັກສະມາຄົມສົ່ງເສີມປະຊາທິປະໄຕຈີນຂອງເຂດປົກຄອງຕົນເອງເຜົ່າຈ້ວງກວາງຊີຢືນຢັນຕໍ່ນັກຂ່າວໃນວັນທີ 7 ມີນານີ້ວ່າ: ກວາງຊີເປັນແຂວງພຽງໜຶ່ງດຽວຂອງຈີນທີ່ມີດິນແດນຕິດກັບອາຊຽນທັງມີທາງຜ່ານເທິງທະເລສູ່ອາຊຽນ. ຖ້າຢາກຍົກລະດັບການເປີດປະຕູແລະການຮ່ວມມືກັບພາຍນອກ, ກວາງຊີຕ້ອງເສີມຂະຫຍາຍທ່າແຮງດ້ານທີ່ຕັ້ງພູມສາດຂອງຕົນເພື່ອເປີດກວ້າງການຮ່ວມມືກັບບັນດາປະເທດໃນອາຊຽນ.
ທ່ານເສິນຈື້ລີ້ກ່າວວ່າ: ກວາງຊີມີທ່າແຮງໃນດ້ານຄົມມະນາຄົມຂົນສົ່ງທາງບົກ ແລະກຳລັງຈັດຕັ້ງປະຕິບັດໂຄງການເຊື່ອມຈອດກັນຢ່າງຕັ້ງໜ້າເຊິ່ງລວມທັງການກໍ່ສ້າງພື້ນຖານໂຄງລ່າງເປັນຕົ້ນທາງລົດໄຟ,ທາງຫຼວງ,ການບິນພົນລະເຮືອນແລະການຂົນສົ່ງທາງທະເລ ແລະເພີ່ມທະວີການຮ່ວມມືທາງຄົມມະນາຄົມກັບປະເທດອາຊຽນເປັນຕົ້ນຫວຽດນາມ, ພະຍາຍາມພັດທະນາທາງດ່ວນແລະກໍ່ສ້າງທາງລົດໄຟໃນອາຊີໃຫ້ດີ. ນອກນີ້, ກວາງຊີຍັງມີທ່າແຮງດ້ານການຮ່ວມມືທາງທະເລແລະວຽກງານທ່າກຳປັ່ນເຊັ່ນ ກຸ່ມບໍລິສັດວຽກງານທ່າກຳປັ່ນເປີຍປູ້ວານກວາງຊີໄດ້ເຊັນສັນຍາຮ່ວມມືກັບດ່ານພາສີຂອງຫຼາຍປະເທດອາຊຽນ ຂະນະດຽວກັນ ທ່ານເສິນຈື້ລີ້ຍັງຊີ້ໃຫ້ເຫັນວ່າ ພາຍໃຕ້ເງື່ອນໄຂເບື້ອງຕົ້ນທີ່ພື້ນຖານໂຄງລ່າງຄົມມະນາຄົມຄົບຊຸດ, ກວາງຊີຕ້ອງເອົາໃຈໃສ່ການຮ່ວມມືກັບປະເທດອາຊຽນໃນດ້ານການເພີ່ມຂີດຄວາມສາມາດການຜະລິດເພື່ອໃຫ້ສອງຝ່າຍມີຄວາມຈຸນເຈືອກັນທາງດ້ານຊັບພະຍາກອນ.
 |
