ວັນທີ 9 ມີນານີ້, ທ່ານ ເກຣີ ຣາຍສ໌ ໂຄສົກກອງທຶນເງິນຕາສາກົນຫຼື IMF ກ່າວວ່າ: ພວກເຮົາໄດ້ພິຈາລະນາເຖິງທ່າອ່ຽງແຫ່ງການເຕີບໂຕຂອງເສດຖະກິດຈີນທີ່ເຂັ້ມແຂງໃນປັດຈຸບັນ, IMF ເຫັນວ່າຈີນມີແຜນຈະບັນລຸເປົ້າໝາຍການເຕີບໂຕຂອງເສດຖະກິດປະມານ 6,5% ໃນປີນີ້.
ທ່ານ ຣາຍສ໌ ກ່າວໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນວ່າ: ບົດລາຍງານວຽກງານຂອງລັດຖະບານຈີນໃນປີນີ້ໄດ້ສະແດງໃຫ້ເຫັນເຖິງຄວາມພະຍາຍາມຂອງຈີນໃນການຮັກສາການເຕີບໂຕຂອງເສດຖະກິດຢ່າງໝັ້ນທ່ຽງ,ເຮັດໃຫ້ເສດຖະກິດພັດທະນາໄປຕາມເສັ້ນທາງທີ່ມີການກວມລວມ,ມີສະພາບແວດລ້ອມທີ່ດີແລະການເຕີບໂຕແບບຍືນຍົງ.
ເມື່ອເວົ້າເຖິງທຶນຮອນໄຫຼອອກໄປຕະຫຼາດຕ່າງປະເທດ, ທ່ານ ຣາຍສ໌ ກ່າວວ່າ: ຂະນະທີ່ທຶນຮອນໄຫຼອອກໄປຕ່າງປະເທດແລ້ວເຮັດໃຫ້ບໍ່ສາມາດຄຸ້ມຄອງອັດຕາແລກປ່ຽນເງິນຕາຢ່າງມີລະບຽບແບບແຜນແລະກະທົບເຖິງເສດຖະກິດຈຶ່ງເຮັດໃຫ້ຜູ້ວາງນະໂຍບາຍມີຄວາມເປັນຫ່ວງນຳ,ແຕ່ປັດຈຸບັນຢູ່ຈີນບໍ່ໄດ້ເກີດມີກໍລະນີແບບນີ້.
 |
