ໃນແຜນການສ້າງກົດໝາຍຂອງຈີນ, "ບົດບັນຍັດທົ່ວໄປກົດໝາຍແພ່ງ"ແມ່ນກົດໝາຍສະບັບທຳອິດຂອງ "ປະມວນກົດໝາຍແພ່ງ" ທີ່ດຶງດູດສາຍຕາຂອງປະຊາຊົນ, ຈະໄດ້ຕົກລົງຫຼັກໝັ້ນພື້ນຖານແລະຂໍ້ກຳນົດທົ່ວໄປທີ່ສຳຄັນທີ່ສຸດຂອງ "ປະມວນກົດໝາຍແພ່ງ". ສະນັ້ນ, ຮ່າງ"ບົດບັນຍັດທົ່ວໄປກົດໝາຍແພ່ງ" ທີ່ຍື່ນໃຫ້ກອງປະຊຸມສະພາປະຊາຊົນແຫ່ງຊາດຈີນຄັ້ງທີ 5 ຊຸດທີ 12 ຄົ້ນຄວ້າພິຈາລະນານັ້ນກໍຈະມີຜົນສະທ້ອນຢ່າງກວ້າງຂວາງແລະເລິກເຊິ່ງຕໍ່ປະຊາຊົນຈີນທຸກຖ້ວນໜ້າ.
ໃນຂະບວນການຄົ້ນຄວ້າພິຈາລະນາ, ບັນດາສະມາຊິກສະພາປະຊາຊົນແຫ່ງຊາດໄດ້ຢືນຢັນຕໍ່ຮ່າງກົດໝາຍສະບັບດັ່ງກ່າວທີ່ຄະນະປະຈຳສະພາປະຊາຊົນແຫ່ງຊາດໄດ້ຄົ້ນຄວ້າມາສາມເທື່ອແລະໄດ້ຂໍຄຳເຫັນຈາກທົ່ວສັງຄົມຫຼາຍເທື່ອ, ທັງເຫັນວ່າຮ່າງກົດໝາຍດັ່ງກ່າວ ເໝາະກັບສະຖານະການໃໝ່ຂອງສັງຄົມແລະສາມາດແກ້ໄຂບັນຫາໃໝ່. ຂະນະດຽວກັນ, ສະມາຊິກບັນດາທ່ານຍັງໄດ້ປະກອບຄວາມເຫັນໃຫ້ດັດແກ້ບາງມາດຕາ.
ຜ່ານການຄົ້ນຄວ້າພິຈາລະນາ, "ຮ່າງບົດບັນຍັດທົ່ວໄປກົດໝາຍແພ່ງ" ຈະດັດແກ້ຕາມຄຳເຫັນແລະຂໍ້ສະເໜີຂອງສະມາຊິກສະພາປະຊາຊົນແຫ່ງຊາດ, ແລະຈະລົງຄະແນນສຽງໃນພິທີປິດກອງປະຊຸມສະພາປະຊາຊົນແຫ່ງຊາດຄັ້ງທີ 5 ຊຸດທີ 12.
 |
