ຕາມຂ່າວສານຊິນຮວາ:ທ່ານນາງປັກກຸນເຮ ອະດີດປະທານາທິບໍດີສ.ເກົາຫຼີທີ່ຖືກກ່າວຟ້ອງແລະປົດຕຳແໜ່ງໄດ້ອອກຈາກຊົງວາເດໃນຕອນຄ່ຳວັນທີ 12 ມີນານີ້ແລະເຂົ້າໄປຢູ່ເຮືອນສ່ວນຕົວຂອງຕົນຢູ່ຊຳຊົງດົງນະຄອນຫຼວງເຊອຸ່ນແລ້ວ.
ຫຼັງສານລັດຖະທຳມະນູນມີມະຕິຖອດຖອນແລ້ວ,ແຕ່ທ່ານນາງປັກກຸນເຮຍັງຄົງຢູ່ຊົງວາເດສອງຄືນໂດຍອ້າງວ່າຕ້ອງສ້ອມແປງເຮືອນສ່ວນຕົວແລະຄຳກ່າວອ້າງນີ້ຖືກພັກຝ່າຍຄ້ານຕຳໜິ.
ສານລັດຖະທຳມະນູນສ.ເກົາຫຼີໄດ້ມີມະຕິຖອດຖອນທ່ານນາງປັກກຸນເຮໃນວັນທີ 10 ມີນານີ້ສົ່ງຜົນເຮັດໃຫ້ທ່ານນາງກາຍເປັນປະທານາທິບໍດີທີ່ຖືກກ່າວຟ້ອງແລະປົດຕຳແໜ່ງຄົນທຳອິດໃນປະຫວັດສາດການເມືອງພາຍໃຕ້ລັດຖະທຳມະນູນຂອງສ.ເກົາຫຼີ.ຫຼັງຕົກຈາກຕຳແໜ່ງ,ທ່ານນາງປັກກຸນເຮກໍບໍ່ມີອະພິສິດທາງຕຸລາການທັນທີ.ແນວໃດກໍດີ,ສື່ສ.ເກົາຫຼີຄາດຄະເນວ່າ,ເພື່ອຫຼີກເວັ້ນບໍ່ໃຫ້ກະທົບຕໍ່ການເລືອກຕັ້ງທົ່ວໄປທີ່ຈະຈັດຂຶ້ນພາຍໃນ 60 ວັນ,ໄອຍະການອາດຈະດຳເນີນການສືບສວນສອບສວນຫຼັງການເລືອກຕັ້ງທົ່ວໄປຕື່ມອີກ.