ຕາມຂ່າວສານຈີນ:ໂຄງການ "ເລືອກອາເມລິກາ" 2017 ໄດ້ຈັດຂຶ້ນຢູ່ເມືອງສາງຊຸນປະເທດຈີນໃນວັນທີ 13 ມີນານີ້ແລະໃນໂອກາດດັ່ງກ່າວ,ເຈົ້າໜ້າທີ່ອຳນາດການປົກຄອງແລະຜູ້ຕາງໜ້າອົງການທຸລະກິດຈາກຫຼາຍລັດຂອງອາເມລິກາໄດ້ແນະນຳໂຄງການລົງທຶນທີ່ບົ່ມຊ້ອນເພື່ອດຶງດູດການລົງທຶນໃນປະເທດຕົນ.
ທັງນີ້ອາເມລິກາໄດ້ປະກາດໂຄງການ "ເລືອກອາເມລິກາ"ເມື່ອປີ 2011 ເຊິ່ງເປັນໂຄງການທີ່ລັດຖະບານອາເມລິກາໂຄສະນາຢ່າງຮອບດ້ານເພື່ອດຶງດູດການລົງທຶນໂດຍກົງຈາກຕ່າງປະເທດທັງຫວັງໃຫ້ນັກລົງທຶນເຂົ້າໃຈຕະຫຼາດການລົງທຶນຂອງປະເທດດັ່ງກ່າວໄດ້ດີກວ່າເກົ່າ.
ການແນະນຳໂຄງການ "ເລືອກອາເມລິກາ" 2017 ໄດ້ເລີ່ມຕົ້ນຢູ່ເມືອງສາງຊຸນແລະຈະຈັດຂຶ້ນຢູ່ 6 ເມືອງຂອງຈີນຕາມລຳດັບ.