ວັນທີ 15 ມີນານີ້, ບັນດາຜູ້ແທນສະພາປະຊາຊົນແຫ່ງຊາດຈີນທີ່ເຂົ້າຮ່ວມກອງປະຊຸມປະຈຳປີເຊິ່ງເປັນປີສຸດທ້າຍຂອງສະພາປະຊາຊົນແຫ່ງຊາດຊຸດທີ 12 ໄດ້ລົງຄະແນນສຽງຮັບຮອງເອົາບົດບັນຍັດທົ່ວໄປຂອງກົດໝາຍແພ່ງດ້ວຍສຽງເຫັນດີຫຼາຍທີ່ສຸດ ເຊິ່ງເປັນຂີດໝາຍສະແດງໃຫ້ເຫັນວ່າຈີນປະສົບຜົນສຳເລັດໃນການສ້າງພາກທີໜຶ່ງຂອງປະມວນກົດໝາຍແພ່ງ ແລະເປັນຜົນງານໃນປະຫວັດສາດຂອງກົດໝາຍຈີນ ຂະນະດຽວກັນກໍສະແດງໃຫ້ເຫັນວ່າ:ຄົນຈີນໄດ້ຫຍັບມໍ່ເຂົ້າໃກ້ກັບຍຸກປະມວນກົດໝາຍແພ່ງອີກກ້າວໜຶ່ງ.
ຜູ້ແທນສະພາປະຊາຊົນແຫ່ງຊາດຈີນຈຳນວນ 2838 ທ່ານທີ່ເຂົ້າຮ່ວມພິທີປິດກອງປະຊຸມເທື່ອທີ 5 ຂອງສະພາປະຊາຊົນແຫ່ງຊາດຊຸດທີ 12 ໃນຕອນເຊົ້າວັນທີ 15 ມີນານີ້ ໄດ້ລົງຄະແນນສຽງຕໍ່ບົດບັນຍັດທົ່ວໄປຂອງກົດໝາຍແພ່ງໂດຍ2782 ທ່ານປ່ອນບັດເຫັນດີ, 30 ທ່ານຄັດຄ້ານ ແລະ21 ທ່ານບໍ່ອອກສຽງ.
ຕາມແຜນງານສ້າງປະມວນກົດໝາຍແພ່ງຈີນໄດ້ແບ່ງອອກເປັນ "ສອງບາດກ້າວ"ແລະຫຼັງສຳເລັດການຮຽບຮຽງບົດບັນຍັດທົ່ວໄປແລ້ວກໍຈະລົງມືຮຽບຮຽງພາກອື່ນໆຂອງກົດໝາຍດັ່ງກ່າວ.
 |
