ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຕອບນັກຂ່າວໃນພິທີຖະແຫຼງຂ່າວທີ່ຈັດຂຶ້ນຢູ່ຫໍສະພາປະຊາຊົນແຫ່ງຊາດຈີນໃນຕອນເຊົ້າວັນທີ 15 ມີນານີ້ ໂດຍກ່າວວ່າ, ຈີນເຫັນໃນແງ່ດີຕໍ່ສາຍພົວພັນຈີນ-ອາເມລິກາ.
ທ່ານກ່າວວ່າ, ພາຍຫຼັງທ່ານໂດນັນ ທຣຳ ໄດ້ຮັບເລືອກຕັ້ງເປັນປະທານາທິບໍດີອາເມລິກາ, ທ່ານປະທານສີຈິ້ນຜິງກໍໄດ້ໂທລະສັບລົມກັບທ່ານທຣຳ ແລະປະມຸກລັດສອງປະເທດລ້ວນແຕ່ກ່າວວ່າຈະຮ່ວມກັນຊຸກຍູ້ສາຍພົວພັນຈີນ-ອາເມລິກາໃຫ້ກ້າວໄປໜ້າ. ຂະນະທີ່ທ່ານທຣຳ ແລະເຈົ້າໜ້າທີ່ຂັ້ນສູງຂອງລັດຖະບານຊຸດໃໝ່ຂອງອາເມລິກາກໍເປີດເຜີຍຢ່າງຈະແຈ້ງວ່າ, ຕ້ອງຍຶດໝັ້ນນະໂຍບາຍຈີນດຽວ ເຊິ່ງນີ້ຄືພື້ນຖານການເມືອງຂອງສາຍພົວພັນຈີນ-ອາເມລິກາ ແລະບົນພື້ນຖານດັ່ງກ່າວ, ການຮ່ວມມືຈີນ-ອາເມລິກາຈິ່ງມີອະນາຄົດທີ່ສົດໃສ.
ທ່ານຫຼີເຄີ້ສຽງກ່າວວ່າ, ຈີນແລະອາເມລິກາໄດ້ສ້າງສາຍພົວພັນທາງການທູດມາເປັນເວລາຫຼາຍສິບປີແລ້ວ ແລະມີຜົນປະໂຫຍດຮ່ວມຢ່າງກວ້າງຂວາງ. ເຖິງວ່າສອງປະເທດມີຄວາມຂັດແຍ້ງກັນ, ແຕ່ທັງສອງຝ່າຍກໍຕ້ອງມີຄວາມໜັກແໜ້ນດ້ານຍຸດທະສາດ, ເພີ່ມທະວີການແລກປ່ຽນກັນ ແລະເພີ່ມຄວາມເຂົ້າໃຈກັນ. ປັດຈຸບັນ, ພາກສ່ວນການຕ່າງປະເທດຂອງສອງປະເທດພວມຕິດຕໍ່ພົວພັນກັນເພື່ອການພົບປະລະຫວ່າງປະມຸກລັດສອງປະເທດ. ສາຍພົວພັນຈີນ-ອາເມລິກາບໍ່ພຽງແຕ່ພົວພັນເຖິງຜົນປະໂຫຍດຂອງສອງປະເທດເທົ່ານັ້ນ, ຫາກຍັງພົວພັນເຖິງສັນຕິພາບແລະສະຖຽນລະພາບຂອງພາກພື້ນ ກໍຄືຂອງໂລກ, ພວກເຮົາຕ້ອງຮັກສາແລະເຮັດໃຫ້ສາຍພົວພັນຈີນ-ອາເມລິກາກ້າວໄປໜ້າເລື້ອຍໆ.
ທ່ານກ່າວວ່າ, ພາຍຫຼັງທ່ານໂດນັນ ທຣຳ ໄດ້ຮັບເລືອກຕັ້ງເປັນປະທານາທິບໍດີອາເມລິກາ, ທ່ານປະທານສີຈິ້ນຜິງກໍໄດ້ໂທລະສັບລົມກັບທ່ານທຣຳ ແລະປະມຸກລັດສອງປະເທດລ້ວນແຕ່ກ່າວວ່າຈະຮ່ວມກັນຊຸກຍູ້ສາຍພົວພັນຈີນ-ອາເມລິກາໃຫ້ກ້າວໄປໜ້າ. ຂະນະທີ່ທ່ານທຣຳ ແລະເຈົ້າໜ້າທີ່ຂັ້ນສູງຂອງລັດຖະບານຊຸດໃໝ່ຂອງອາເມລິກາກໍເປີດເຜີຍຢ່າງຈະແຈ້ງວ່າ, ຕ້ອງຍຶດໝັ້ນນະໂຍບາຍຈີນດຽວ ເຊິ່ງນີ້ຄືພື້ນຖານການເມືອງຂອງສາຍພົວພັນຈີນ-ອາເມລິກາ ແລະບົນພື້ນຖານດັ່ງກ່າວ, ການຮ່ວມມືຈີນ-ອາເມລິກາຈິ່ງມີອະນາຄົດທີ່ສົດໃສ.
ທ່ານຫຼີເຄີ້ສຽງກ່າວວ່າ, ຈີນແລະອາເມລິກາໄດ້ສ້າງສາຍພົວພັນທາງການທູດມາເປັນເວລາຫຼາຍສິບປີແລ້ວ ແລະມີຜົນປະໂຫຍດຮ່ວມຢ່າງກວ້າງຂວາງ. ເຖິງວ່າສອງປະເທດມີຄວາມຂັດແຍ້ງກັນ, ແຕ່ທັງສອງຝ່າຍກໍຕ້ອງມີຄວາມໜັກແໜ້ນດ້ານຍຸດທະສາດ, ເພີ່ມທະວີການແລກປ່ຽນກັນ ແລະເພີ່ມຄວາມເຂົ້າໃຈກັນ. ປັດຈຸບັນ, ພາກສ່ວນການຕ່າງປະເທດຂອງສອງປະເທດພວມຕິດຕໍ່ພົວພັນກັນເພື່ອການພົບປະລະຫວ່າງປະມຸກລັດສອງປະເທດ. ສາຍພົວພັນຈີນ-ອາເມລິກາບໍ່ພຽງແຕ່ພົວພັນເຖິງຜົນປະໂຫຍດຂອງສອງປະເທດເທົ່ານັ້ນ, ຫາກຍັງພົວພັນເຖິງສັນຕິພາບແລະສະຖຽນລະພາບຂອງພາກພື້ນ ກໍຄືຂອງໂລກ, ພວກເຮົາຕ້ອງຮັກສາແລະເຮັດໃຫ້ສາຍພົວພັນຈີນ-ອາເມລິກາກ້າວໄປໜ້າເລື້ອຍໆ.
