ຈີນຍັງຄົງເປັນກຳລັງສຳຄັນໃນການຊຸກຍູ້ການເຕີບໂຕຂອງທົ່ວໂລກ

ທ່ານຫຼີເຄີ້ສຽງ ນາຍົກລັດຖະມົນຕີຈີນ ໄດ້ຕອບຄຳຖາມນັກຂ່າວໃນພິທີຖະແຫຼງຂ່າວຢູ່ຫໍສະພາປະຊາຊົນແຫ່ງຊາດໃນຕອນເຊົ້າວັນທີ 15 ມີນານີ້.

ທ່ານຫຼີເຄີ້ສຽງ ກ່າວວ່າ: ປີນີ້, ພວກຂ້າພະເຈົ້າໄດ້ກຳນົດຈັງຫວະການເຕີບໂຕຂອງເສດຖະກິດເປັນປະມານ 6,5% ເຊິ່ງເປັນຈັງຫວະເຕີບໂຕທີ່ບໍ່ຕ່ຳ ແລະກໍບໍ່ງ່າຍໃນການປະຕິບັດຕົວຈິງ. ຖ້າວ່າປີນີ້ຈີນສາມາດບັນລຸເປົ້າໝາຍການເຕີບໂຕຂອງເສດຖະກິດ, ປະລິມານການເຕີບໂຕກໍຈະໃຫຍ່ກວ່າປີຜ່ານມາ ເພາະວ່າມັນເປັນການເຕີບໂຕບົນພື້ນຖານທີ່ຍອດມູນຄ່າເສດຖະກິດໄດ້ລື່ນ 74.000 ຕື້ຢວນ ເທົ່າກັບ 11.000 ຕື້ໂດລາສະຫະລັດ ແລະຈະສ້າງຕຳແໜ່ງວຽກງານໄດ້ຫຼາຍກວ່າ 11 ລ້ານຕຳແໜ່ງ. ທັງນີ້ໄດ້ສອດຄ່ອງກັບກົດເກນເສດຖະກິດ ທັງສາມາດເອົາໃຈໃສ່ຄຸນນະພາບ ແລະ ປະສິດທິພາບໄດ້ຫຼາຍກວ່າເກົ່າ, ໄດ້ປະກອບສ່ວນຕໍ່ການເຕີບໂຕຂອງເສດຖະກິດໂລກບໍ່ໜ້ອຍ. ແນວໃດກໍດີ, ຈີນຍັງຄົງແມ່ນກຳລັງສຳຄັນໃນການຊຸກຍູ້ເສດຖະກິດໂລກໃຫ້ເຕີບໂຕ ພາຍໃຕ້ສະພາບການທີ່ເສດຖະກິດໂລກຟື້ນຕົວຢ່າງອ່ອນແອ.