ວັນທີ 15 ມີນານີ້ ຢູ່ນະຄອນຫຼວງປັກກິ່ງ, ທ່ານ ສາງວ້ານສວນ ທີ່ປຶກສາແຫ່ງລັດທັງເປັນລັດຖະມົນຕີກະຊວງປ້ອງກັນປະເທດຈີນໄດ້ພົບປະກັບທ່ານ ຟາມຮ້ວຍນາມ ຜູ້ບັນຊາການກອງທັບເຮືອຫວຽດນາມ.
ທ່ານ ສາງວ້ານສວນ ກ່າວວ່າ: ລະບອບການເມືອງຂອງຈີນ-ຫວຽດນາມເປັນລະບອບດຽວກັນ, ອຸດົມຄະຕິຢູ່ໃນລະດັບດຽວກັນ, ເສັ້ນທາງແຫ່ງການພັດທະນາກໍໄປຕາມທິດທາງດຽວກັນ, ມີສ່ວນພົວພັນກັນດ້ານຊະຕາກຳ, ແມ່ນປະຊາຄົມຮ່ວມຊະຕາກຳທີ່ມີຄວາມໝາຍດ້ານຍຸດທະສາດ. ຈາກນີ້,ກອງທັບຈີນຈຶ່ງຍິນດີຮ່ວມກັບກອງທັບຫວຽດນາມ ຈັດຕັ້ງປະຕິບັດຄວາມເປັນເອກະພາບທີ່ທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ ທ່ານ ຫງຽວນຟູຈອງ ເລຂາທິການໃຫຍ່ສູນກາງພັກກອມມູນິດຫວຽດນາມຢ່າງຮອບດ້ານ, ຮ່ວມກັນປົກປັກຮັກສາບັນຍາກາດແຫ່ງການພົວພັນທີ່ມີໄມຕີຈິດມິດຕະພາບລະຫວ່າງສອງປະເທດກໍຄືສັນຕິພາບແລະສະຖຽນລະພາບຂອງພາກພື້ນ.
ທ່ານ ຟາມຮ້ວຍນາມ ກ່າວວ່າ: ກອງທັບຫວຽດນາມໂດຍສະເພາະ ກອງທັບເຮືອຫວຽດນາມຍິນດີຮ່ວມກັບກອງທັບເຮືອຈີນ, ປັບປຸງສາຍພົວພັນມິດຕະພາບລະຫວ່າງສອງຝ່າຍໃຫ້ດີຂຶ້ນຕື່ມອີກ,ປະກອບສ່ວນເພື່ອເສີມຂະຫຍາຍສາຍພົວພັນລະຫວ່າງສອງລັດ-ສອງກອງທັບຢ່າງຮອບດ້ານ.