ສະຫະພັນບານເຕະອາຊີໄດ້ປະກາດໃນວັນທີ 15 ມີນານີ້ວ່າ: ການແຂ່ງຂັນເຕະບານຮອບຄັດເລືອກລ່ວງໜ້າຊີງຂັນອາຊີປີ 2019 ລະຫວ່າງທີມ ສປປ ເກົາຫຼີ ແລະທີມ ມາເລເຊຍທີ່ເບື້ອງຕົ້ນຈະຈັດຂຶ້ນຢູ່ນະຄອນຫຼວງພຽງຢາງຂອງ ສປປ ເກົາຫຼີ ໃນວັນທີ 28 ມີນານີ້ຈະປ່ຽນເປັນສະໜາມເປັນກາງແລະຈັດຂຶ້ນໃນວັນທີ 8 ມິຖຸນາປີນີ້.
ສະຫະພັນບານເຕະອາຊີໄດ້ອອກຖະແຫຼງການສະບັບໜຶ່ງໂດຍລະບຸວ່າ: ຫຼັງພິຈາລະນາເຖິງສາຍພົວພັນທາງການທູດລະຫວ່າງ ສປປ ເກົາຫຼີ - ມາເລເຊຍມີເຄັ່ງຕຶງນັ້ນລວມທັງຫຼັງຈາກໄດ້ຕົກລົງຈະເລື່ອນກຳນົດການແຂ່ງຂັນແລ້ວຈຶ່ງໄດ້ສົ່ງຈົດໝາຍຫາສະຫະພັນບານເຕະຂອງ ສປປ ເກົາຫຼີໃນວັນທີ 13 ມີນານີ້ ໂດຍຮຽກຮ້ອງໃຫ້ ສປປ ເກົາຫຼີສະເໜີສະໜາມຈັດການແຂ່ງຂັນເປັນກາງແຫ່ງໜຶ່ງກ່ອນວັນທີ 14 ເດືອນໜ້າ. ຖ້າເລືອກຈັດການແຂ່ງຂັນຮອບທຳອິດຢູ່ສະໜາມເປັນກາງ, ການແຂ່ງຂັນທີ່ໄດ້ຕົກລົງເບື້ອງຕົ້ນຈະຈັດຂຶ້ນຢູ່ສະໜາມຂັນຂອງມາເລເຊຍໃນວັນທີ 14 ພະຈິກປີນີ້ກໍ່ຈະປ່ຽນໄປສູ່ສະໜາມເປັນກາງດັ່ງກ່າວ.