ຕາມຂ່າວCRI: ທະນາຄານກະສິກອນໄທ ແລະບໍລິສັດອຸດສາຫະກຳໜັກໂລໂວລຈີນໄດ້ລົງນາມໃນບົດບັນທຶກຄວາມເຂົ້າໃຈການຮ່ວມມືກັນຢູ່ສູນການຄ້າແລະວາງສະແດງສາກົນບາງກອກໃນວັນທີ 15 ມີນານີ້.
ທ່ານວາງກຸ້ຍໝິນ ປະທານບໍລິສັດອຸດສາຫະກຳໜັກໂລໂວລກ່າວໃນພິທີວ່າ, ທະນາຄານກະສິກອນໄທເປັນທະນາຄານຂະໜາດໃຫຍ່ຂອງໄທ ແລະກໍແມ່ນທະນາຄານສາກົນທີ່ມີຊື່ສຽງຢູ່ອາຊຽນ ແລະການທີ່ສອງຝ່າຍຮ່ວມມືກັນຈິ່ງມີຜົນດີຕໍ່ການຊ່ວຍໃຫ້ບໍລິສັດຕົນຂະຫຍາຍທຸລະກິດໄປສູ່ທົ່ວໂລກ.
ທ່ານອານັນ ລາບສັກສາທິດ ຮອງປະທານບໍລິຫານງານທະນາຄານກະສິກອນໄທກ່າວວ່າ, ຈີນໄດ້ເສີມຂະຫຍາຍບົດບາດສຳຄັນໃນເວທີເສດຖະກິດໂລກ ແລະຈີນກໍເປັນຄູ່ເສດຖະກິດການຄ້າທີ່ສຳຄັນຂອງໄທ ແລະທະນາຄານຂອງຕົນກໍຍິນດີຕ້ອນຮັບບໍລິສັດຈີນ ເຊິ່ງລວມທັງບໍລິສັດອຸດສາຫະກຳໜັກໂກໂວລມາດຳເນີນທຸລະກິດຢູ່ໄທ.
 |
