​ຕາມ​ຂ່າວ​ເວັບ​ໄຊ​ຊິ່ນ​ກ່ຽງ:ຫວ່າງ​ມໍ່ໆ​ນີ້,ຊ່ອງ​ບໍລິການ​ເຂົ້າ​ອອກ​ເມືອງ​ໂດຍ​ຕົນ​ເອງ​ຊ່ອງ​ທຳ​ອິດ​ຂອງ​​ເຂດ​ຊິ່ນ​ກ່ຽງ​ໄດ້​ເປີດ​ນຳ​ໃຊ້​ຢ່າງ​ເປັນ​ທາງ​ການ​ຢູ່​ສູນ​ຮ່ວມ​ມື​ຈີນ-ກາ​ຊັກ​ສະຖານ​ໂດຍຜູ້​ໂດຍສານ​ສັນຊາດ​ຈີນ​ທີ່ຖື​ໜັງ​ສີືເດີນທາງ​ແລະ​ໜັງ​ສື​ຜ່ານ​ແດນ​​ໃຊ້​ເວລາ​ພຽງ 10 ວິນາທີ​ກໍສາມາດ​ຜ່ານດ່ານ​ໄດ້​ແລະ​ນີ້​ຈະ​​ເປັນ​ການຫຼຸດ​ຄວາມ​ກົດ​ດັນ​ສຳ​ລັບການ​ຜ່ານ​ດ່ານ​ໃນ​ລະດູ​ການທ່ອງ​ທ່ຽວ.
ສູນ​ຮ່ວມ​ມື​ຈີນ-ກາ​ຊັກ​ສະຖານ​​ເປັນ​ເຂດ​ເສດຖະກິດ​ການ​ຄ້າ​ແລະ​ສູນ​ຮ່ວມ​ມືການ​ລົງທຶນ​ຂ້າມ​ຊາຍ​ແດນ​ແຫ່ງ​ທຳ​ອິດ​ໃນ​ໂລກ​ແລະ​ຫຼັງ​ເປີດ​ນຳ​ໃຊ້​​ເມື່ອ​​ເດືອນ​ເມສາ​ປີ 2012 ​ເປັນ​ຕົ້ນ​ມາ​ກໍໄດ້​ກາຍ​ເປັນ​ເຂດ​ສິນຄ້າປອດ​ພາສີ​ທີ່​ໃຫຍ່​ກວ່າ​ໝູ່​ຢູ່​ພາກ​ຕາ​ເວັນ​ຕົກ​ຂອງ​ຈີນ.ຂະນະ​ທີ່​ປີຜ່ານມາ,​ໃນ​ລະດູ​ການ​ທ່ອງ​ທ່ຽວ​ມີ​ນັກ​ທ່ອງ​ທ່ຽວ​ເຂົ້າ​ອອກ​ເມືອງ​ຫຼາຍກວ່າ 2 ໝື່ນ​ເທື່ອ​ຄົນ​ຕໍ່​ມື້​ແລະ​ທັງ​ປີ​ສາມາດຕ້ອບຮັບ​ນັກ​ທ່ອງ​ທ່ຽວ​ໄດ້ 5 ລ້ານ 4 ​ແສນ 3 ໝື່ນ​ຄົນ.