ຫວ່າງມໍ່ໆມານີ້, ທ່ານ ເຈັຟຣີ ສກົດ ຜູ້ຊ່ຽວຊານກ່ຽວກັບບັນຫາການຄ້າສາກົນຂອງອາເມລິກາໄດ້ກ່າວຂະນະທີ່ໃຫ້ສຳພາດຕໍ່ນັກຂ່າວຂ່າວສານຊີນຮວາວ່າ: ເຖິງວ່າອາເມລິກາໄດ້ຖອນຕົວອອກຈາກສັນຍາວ່າດ້ວຍການພົວພັນຄູ່ຮ່ວມຂ້າມມະຫາສະໝຸດປາຊີຟິກຫຼື (TPP) ແລ້ວກໍ່ຕາມ, ແຕ່ກຸ່ມເສດຖະກິດທີ່ສຳຄັນຂອງພາກພື້ນອາຊີປາຊີຟິກຍັງມີຄວາມສົນໃຈຫຼາຍຕໍ່ການຊຸກຍູ້ການເຊື່ອມໂຍງເຂົ້າກັນຂອງເສດຖະກິດແລະຫັນການຄ້າເປັນຄວາມເສລີຢູ່ໃນພາກພື້ນນີ້ ຈີນຈະສືບຕໍ່ເສີມຂະຫຍາຍບົດບາດທີ່ສຳຄັນແລະມີລັກສະນະສ້າງສັນໃນຂະບວນການດັ່ງກ່າວ.
ທ່ານ ສກົດ ກ່າວວ່າ: ໃນຖານະເປັນກຸ່ມເສດຖະກິດທີ່ໃຫຍ່ທີ່ສຸດຂອງປະເທດສະມາຊິກ TPP ໃນປັດຈຸບັນ, ຍີ່ປຸ່ນໄດ້ດຳເນີນການປຶກສາຫາລືແລະການເຈລະຈາການຄ້າສອງຝ່າຍກັບອາເມລິກ, ຂະນະດຽວກັນ ກໍຈະສືບຕໍ່ເຂົ້າຮ່ວມການປຶກສາຫາລືແລະການເຈລະຈາການຄ້າສອງຝ່າຍຂອງພາກພື້ນດັ່ງກ່າວຢ່າງຕັ້ງໜ້າ.