ວັນທີ 18 ມີນານີ້, ງານວາງສະແດງເຄື່ອງນຸ່ງແຟຊັ້ນດີເດັ່ນຂອງຈີນທີ່ມີຊື່ວ່າ "ຄວາມປະທັບໃຈແຫ່ງຍຸກສະໄໝ" ໄດ້ຈັດຂຶ້ນຢູ່ສູນວັດທະນະທຳຈີນປະຈຳສິງກະໂປ. ງານວາງສະແດງເທື່ອນີ້ຈະວາງສະແດງເຄື່ອງນຸ່ງແຟຊັ້ນ 30 ກວ່າຊຸດທີ່ອອກແບບດ້ວຍນັກອອກແບບເຄື່ອງນຸ່ງທີ່ດີເລີດໃນສະໄໝປັດຈຸບັນຂອງຈີນ 25 ຄົນ ເພື່ອວາງສະແດງສະເໜ່ການພັດທະນາເຄື່ອງນຸ່ງທີ່ມີເອກະລັກຂອງຈີນ.
ໃນເວລາປະກອບຄຳເຫັນ, ທ່ານນາງມາຮຸງອີງ ຫົວໜ້າສູນວັດທະນະທຳຈີນປະຈຳສິງກະໂປກ່າວວ່າ, ນັບແຕ່ສູນວັດທະນະທຳຈີນເລິ່ມເປີດນຳໃຊ້ມານີ້ ໄດ້ຈັດກິດຈະກຳ 100 ກວ່າເທື່ອແລ້ວ. ງານວາງສະແດງ "ຄວາມປະທັບໃຈແຫ່ງຍຸກສະໄໝ" ເທື່ອນີ້ແມ່ນງານວາງສະແດງປະເພດສິນລະປະເຄື່ອງນຸ່ງເທື່ອທຳອິດທີ່ສູນວັດທະນະທຳຈີນຈັດຂຶ້ນ.