ອົງການກວດສອບແຫ່ງຊາດໄທຖະແຫຼງວ່າ ອະດີດນັກການເມືອງແລະເຈົ້າໜ້າທີ່ລັດຖະບານປະມານ 60 ຄົນຖືກສົງໃສກະທຳຜິດໃນການໜີພາສີ ໃນນີ້ມີທ່ານນາງຍິ່ງລັກ ຊິນນະວັດແລະທ່ານອະພິສິດ ເວດຊາຊີວະ ອະດີດນາຍົກລັດຖະມົນຕີ. ຂະນະທີ່ປັດຈຸບັນອົງການຕົນໄດ້ສົ່ງໜັງສືຮຽກຮ້ອງໃຫ້ກົມສ່ວຍສາອາກອນເກັບພາສີທົດແທນນຳເຂົາເຈົ້າ. ອົງການກວດກາບັນຊີແຫ່ງຊາດໄທຢືນຢັນໃນວັນທີ 17 ມີນານີ້ວ່າ: ຕາມກົດໝາຍວ່າດ້ວຍສ່ວຍສາອາກອນ, ອະດີດເຈົ້າໜ້າທີ່ລັດຖະບານເຫຼົ່ານີ້ຕ້ອງເສຍອາກອນລາຍຮັບຈາກຊັບສິນທີ່ນອກເໜືອຈາກເງິນເດືອນ, ແຕ່ສ່ວນໃຫຍ່ພວກເຂົາເຫຼົ່ານີ້ໄດ້ແຈ້ງພຽງແຕ່ອາກອນເງິນເດືອນເທົ່ານັ້ນແລະຈາກນີ້ຈິ່ງ ຖືກສົງໄສວ່າເປັນການກະທຳຜິດກົດໝາຍສ່ວນສາອາກອນ. ຫຼັງສືບສວນແລ້ວເຫັນວ່າ: ອະດີດນັກການເມືອງແລະເຈົ້າໜ້າທີ່ລັດຖະບານເຫຼົ່ານີ້ມີຊັບສິນເພີ່ມຂຶ້ນນັບເປັນ100ລ້ານບາດຫຼັງພົ້ນຈາກຕຳແໜ່ງ.
ກ່ອນໜ້ານີ້, ລັດຖະບານໄທໄດ້ຢືນຢັນວ່າ: ຈະເລັ່ງໃຫ້ທ່ານທັກສິນ ຊິນນະວັດ ອະດີດນາຍົກລັດຖະມົນຕີທີ່ພັດຖິ່ນຢູ່ຕ່າງປະເທດນັ້ນຕ້ອງເສຍພາສີແລະເງິນປັບໃໝຫຼາຍກວ່າ 12 ຕື້ບາດ ເນື່ອງຈາກທ່ານທັກສິນຖືກກ່າວຫາວ່າໜີພາສີໃນການໂອນຫຸ້ນສ່ວນຂອງບໍລິສັດໃນຕະກຸນຕົນເມື່ອປີ2006.