ວັນທີ 19 ມີນານີ້, ສະຖານທູດຈີນປະຈຳແມັກຊິກໄດ້ຈັດກິດຈະກຳ "ວັນວັດທະນະທຳຈີນ2017"ເພື່ອສະເຫຼີມສະຫຼອງວັນຄົບຮອບ 45 ປີແຫ່ງການສ້າງຕັ້ງສາຍພົວພັນທາງການທູດຈີນ-ແມັກຊິກ ທັງເປັນການເປີດປ່ອງຢ້ຽມສຳລັບປະຊາຊົນແມັກຊິກເພີ່ມຄວາມຮັບຮູ້ວັດທະນະທຳຈີນຫຼາຍຂຶ້ນຕື່ມ.
ກິດຈະກຳໃນວັນດັ່ງກ່າວໄດ້ຈັດໃຫ້ມີການສະແດງວັດທະນະທຳດັ້ງເດີມ ຈີນເປັນຕົ້ນ ສິລະປະການຊົງຊາ,ສິນລະປະການຂຽນຕົວໜັງສືແລະແຕ້ມຮູບຈີນ, ການສະແດງຮ້ອງເພງແລະ ຟ້ອນແບບຈີນພ້ອມດ້ວຍອາຫານຈີນແລະອື່ນໆເຊິ່ງເຮັດໃຫ້ປະຊາຊົນແມັກຊິກມີຄວາມຮູ້ກ່ຽວກັບວັດທະນະທຳຈີນຫຼາຍຂຶ້ນ.
ກິດຈະກຳ "ວັນວັດທະນະທຳຈີນ"ຄັ້ງທຳອິດຈັດຂຶ້ນເມື່ອປີ2013 ເຊິ່ງໄດ້ກາຍເປັນໜຶ່ງກິດຈະກຳວັດທະນະທຳທີ່ຊື່ສຽງຂອງສະຖານທູດຈີນປະຈຳແມັກຊິກ ທັງໄດ້ຮັບຄວາມນິຍົມຊົມຊອບຈາກປະຊາຊົນແມັກຊິກນັບມື້ຫຼາຍຂຶ້ນ.