ຕອນບ່າຍວັນທີ 20 ມີນານີ້ ຢູ່ຫໍສະພາປະຊາຊົນແຫ່ງຊາດນະຄອນຫຼວງປັກກິ່ງສປຈີນ, ທ່ານຫຼີ້ເຄີສຽງ ນາຍົກລັດຖະມົນຕີຈີນໄດ້ພົບປະເຈລະຈາກັບທ່ານເບັນຈາມິນ ເນທັນຢາຮູ ນາຍົກລັດຖະມົນຕີອິສຣາແອນໃນໂອກາດເດີນທາງຢ້ຽມຢາມຈີນຢ່າງເປັນທາງການ.
ທ່ານຫຼີເຄີ້ສຽງ ກ່າວເນັ້ນວ່າ: ໃນຖານະເປັນເພື່ອນມິດຮ່ວມ ທັງອິສຣາແອນແລະປາແລັສຕິນ, ຈີນບໍ່ມີຜົນປະໂຫຍດສ່ວນຕົວ ຫາກຫວັງຈະໄດ້ເຫັນອິສຣແອນແລະປາເລັສຕິນບັນລຸການຢູ່ຮ່ວມກັນໂດຍສັນຕິ ທັງຫວັງວ່າສອງຝ່າຍຈະຍຶດໝັ້ນທິດທາງທີ່ຖືກຕ້ອງຕາມ "ແຜນການສ້າງສອງປະເທດ"ໂດຍເປີດການເຈລະຈາສັນຕິພາບໂດຍໄວເພື່ອໃຫ້ມີຄວາມຄືບໜ້າ. ແນວໃດກໍດີ, ຈີນຍິນດີເສີມຂະຫຍາຍບົດບາດຢ່າງສ້າງສັນເພື່ອສັນຕິພາບ,ສະຖຽນລະພາບ ແລະການພັດທະນາຂອງເຂດຕາເວັນອອກກາງ.ທ່ານເນທັນຢາຮູຢືນຢັນວ່າ ອິສຣາແອນຫວັງເລັ່ງ ເຈລະຈາສັນຍາການຄ້າເສລີກັບຈີນ, ເປີດກວ້າງການລົງທຶນລະຫວ່າງສອງຝ່າຍ, ເອົາໃຈໃສ່ຮ່ວມມືໃນຕະຫຼາດທີ3 ທັງລົງເລິກການຮ່ວມມືດ້ານການສຶກສາ, ປະກອບສ່ວນເຂົ້າໃນການຮ່ວມມືປະດິດສ້າງລະຫວ່າງສອງປະເທດ ແລະໂອກາດນີ້ກໍຂໍສະແດງຄວາມຍ້ອງຍໍຊົມເຊີຍຈີນທີ່ໄດ້ເສີມຂະຫຍາຍບົດບາດຢ່າງສ້າງສັນໃນຂະບວນການສັນຕິພາບຢູ່ຕາເວັນອອກກາງ.
