ຕາມຂ່າວສານຊິນຮວາ:ຈຸດສອນພາສາຈີນຂອງສະຖາບັນຂົງຈືມະຫາວິທະຍາໄລຄອງຊູອິສການານປະເທດເອຢິບທີ່ສ້າງຢູ່ມະຫາວິທະຍາໄລອັງກິດປະເທດດັ່ງກ່າວໄດ້ຮັບການສ້າງຕັ້ງຂຶ້ນແລ້ວຫຼັງລົງນາມໃນວັນທີ 20 ມີນານີ້ແລະກາຍເປັນຈຸດສອນພາສາຈີນແຫ່ງທຳອິດໃນມະຫາວິທະຍາໄລເອກະຊົນປະເທດນີ້.
ທ່ານຊູນານຊານ ກົງສຸນໃຫຍ່ຈີນປະຈຳເມືອງເອເລັດຊັນເດີກ່າວວ່າ,ປັດຈຸບັນຢູ່ເອຢິບມີໂຮງຮຽນຊັ້ນສູງ 14 ແຫ່ງທີ່ສອນພາສາຈີນແລະກໍມີນັກສຶກສາຫຼາຍກວ່າ 5 ພັນຄົນກຳລັງຮຽນພາສາຈີນ.
ຂະນະທີ່ທ່ານນາງຈູ່ຖິງຖິງ ອະທິການບໍດີຝ່າຍຈີນສະຖາບັນຂົງຈືມະຫາວິທະຍາໄລຊູອິສການານກໍກ່າວວ່າ,ມະຫາວິທະຍາໄລອັງກິດປະເທດເອຢິບເປັນໜຶ່ງໃນໂຮງຮຽນຊັ້ນສູງເອກະຊົນທີ່ມີຊື່ສຽງຂອງປະເທດດັ່ງກ່າວແລະການທີ່ມະຫາວິທະຍາໄລນີ້ເປັນເຈົ້າການປະສານງານກັບສະຖາບັນຂົງຈືຂອງຕົນເພື່ອສ້າງຕັ້ງຈຸດສອນພາສາຈີນໃນເທື່ອນີ້ຈະເປັນການຂະຫຍາຍຊື່ສຽງອິດທິພົນຂອງພາສາຈີນຢູ່ເອຢິບຕື່ມອີກ.
 |
