ຕາມຂ່າວສານຊິນຮວາ:ທ່ານສີຈິ້ນຜີງ ປະທານປະເທດຈີນໄດ້ສົ່ງໂທລະເລກເຖິງພະລາຊີນີອີລີຊາເບດທີສອງຂອງອັງກິດກ່ຽວກັບເຫດການໂຈມຕີກໍ່ການຮ້າຍທີ່ລອນດອນໂດຍປະນາມຢ່າງຮຸນແຮງຕໍ່ເຫດການກໍ່ການຮ້າຍແລະໄວ້ອາໄລຢ່າງສຸດຊຶ້ງຕໍ່ຜູ້ບໍລິສຸດທີ່ເສຍຊີວິດແລະສະແດງຄວາມເຫັນໃຈຢ່າງຈິງໃຈຕໍ່ຜູ້ບາດເຈັບແລະຄອບຄົວຜູ້ເສຍຊີວິດ.
ທ່ານສີຈິ້ນຜີງຊີ້ໃຫ້ເຫັນວ່າ,ລັດທິກໍ່ການຮ້າຍແມ່ນສັດຕູຮ່ວມຂອງປະຊາຄົມໂລກແລະຈີນກໍເດັດດ່ຽວຄັດຄ້ານລັດທິກໍ່ການຮ້າຍທຸກຮູບແບບທັງຍິນດີເພີ່ມທະວີການຮ່ວມມືກັບອັງກິດແລະປະຊາຄົມໂລກເພື່ອຕັ້ງໜ້າປົກປັກຮັກສາຄວາມສະຫງົບຂອງຈີນ-ອັງກິດແລະໂລກ.