ຕອນທ່ຽງວັນທີ 23 ມີນານີ້ຕາມເວລາທ້ອງຖິ່ນ, ຂະນະທີ່ທ່ານ ຫຼີເຄີ້ສຽງ ນາຍົກລັດຖະມົນຕີຈີນກ້າວເຂົ້າສູ່ສະຖານທີ່ຈັດງານລ້ຽງຕ້ອນຮັບ ໂດຍທ່ານນາຍົກລັດຖະມົນຕີອົສຕຣາລີນັ້ນ, ມີຊາວພື້ນເມືອງອົສຕຣາລີໄດ້ນຸ່ງຊຸດອາພອນສີໝາກກະເບົາແດງ ແລະ ໂຮຍແປ້ງຂາວໃສ່ແກ້ມແລະຮ່າງກາຍ, ຈາກນັ້ນກໍໄດ້ຟ້ອນທີ່ເປັນເອກະລັກປະສານກັບການຕີກອງເພື່ອສະແດງຄວາມຍິນດີຕ້ອນຮັບທ່ານນາຍົກລັດຖະມົນຕີຈີນ. ຫົວໜ້າຊາວພື້ນເມືອງອົສຕຣາລີກ່າວດ້ວຍການສະແດງຄວາມຍິນດີຕ້ອນຮັບທ່ານຫຼີເຄີ້ສຽງ ນາຍົກລັດຖະມົນຕີຈີນພ້ອມດ້ວຍພັນລະຍາ ແລະອວຍພອນໃຫ້ການຢ້ຽມຢາມຂອງທ່ານໃນຄັ້ງນີ້ຈົ່ງປະສົບຜົນສຳເລັດຢ່າງຈົບງາມ.