ຕາມຂ່າວCRI:ມີຂ່າວລາຍງານວ່າ,ກຳປັ່ນບັນທຸກຍົນເຮລີກົບແຕ " ຄາກາ "ທີ່ໃຫຍ່ທີ່ສຸດຂອງກອງປ້ອງກັນຕົນຍີ່ປຸ່ນໄດ້ປະຕິບັດໜ້າທີ່ຢ່າງເປັນທາງການໃນວັນທີ 22 ມີນານີ້ຂະນະທີ່ເຈົ້າໜ້າທີ່ວຽກງານການເມືອງຂອງກອງດັ່ງກ່າວກໍໄດ້ກ່າວໃນພິທີວ່າ,ຈີນມີເຈຕະນາປ່ຽນແປງສະພາບຢູ່ເຂດທະເລຈີນໃຕ້ໃນປັດຈຸບັນດ້ວຍການກໍ່ສ້າງເກາະດອນແລະອື່ນໆເຊິ່ງກຳປ່ັນ "ຄາກາ"ສາມາດເສີມຄວາມສາມາດຂອງຍີ່ປຸ່ນໃນການຂົນກຳລັງພົນໄປຕ່າງປະເທດເພື່ອຮັບມືກັບອິດທິພົນທີ່ນັບມື້ເຂັ້ມແຂງຂອງຈີນຢູ່ພາກພື້ນອາຊີ.
ຈາກໍລະນີດັ່ງກ່າວ,ໃນວັນທີ 23 ມີນານີ້ຢູ່ປັກກິ່ງ,ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນໄດ້ຕອບໂຕ້ວ່າ,ສະຖານະການເຂດທະເລຈີນໃຕ້ໃນປັດຈຸບັນມີທ່ວງທ່າດີຂຶ້ນແລະການທີ່ຍີ່ປຸ່ນເສກສັນປັ້ນແຕ່ງແລະໂຄສະນາໂດຍອ້າງເປັນການ "ການຂົ່ມຂູ່ຈາກຈີນ"ມາຕະຫຼອດນັ້ນກໍເພື່ອສ້າງຂໍ້ອ້າງໃຫ້ແກ່ການຂະຫຍາຍກຳລັງຮົບຂອງຕົນເທົ່ານັ້ນ.
ທ່ານກ່າວຕື່ມວ່າ, " ກຳປັ່ນ ຄາກາ ເຄີຍຖືກທະຫານອາເມລິກາຍິງຈົນຫຼົ້ມໃນໄລຍະສົງຄາມໂລກຄັ້ງທີສອງເຊິ່ງເລື່ອງນີ້ຍີ່ປຸ່ນຄວນຖອດຖອນບົດຮຽນທາງປະຫວັດສາດແລະພວກເຮົາກໍຫວັງວ່າກຳປັ່ນ ຄາກາ ທີ່ປາກົດຂຶ້ນໃໝ່ນີ້ບໍ່ແມ່ນການເລີ່ມຕົ້ນຂອງລັດທິຂຸນເສິກຍີ່ປຸ່ນຄືນໃໝ່."