ຕາມຂ່າວCRI: ວັນທີ 23 ມີນາແມ່ນວັນຄົບຮອບໜຶ່ງປີໃນການລິເລີ່ມການຮ່ວມມືເຂດແມ່ນ້ຳລ້ານຊ້າງແມ່ນ້ຳຂອງ ແລະໃນໂອກາດນີ້ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນໄດ້ກ່າວໃນພິທີຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນມື້ດຽວກັນວ່າ, ຈີນເອົາໃຈໃສ່ສູງຕໍ່ການຮ່ວມມືເຂດແມ່ນ້ຳລ້ານຊ້າງ-ແມ່ນ້ຳຂອງ ແລະກົນໄກຮ່ວມມືດັ່ງກ່າວຈະກາຍເປັນ "ເວທີດີເດັ່ນ" ໃນການສ້າງສາປະຊາຄົມຮ່ວມຊະຕາກຳອາຊີ.
ທ່ານນາງຮວ້າຊຸນຢິງກ່າວວ່າ, ໂຄງການທີ່ປະສົບຜົນສຳເລັດໃນເບື້ອງຕົ້ນແລະຂໍ້ລິເລີ່ມ 45 ຂໍ້ທີ່ກອງປະຊຸມສຸດຍອດກົນໄກການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທຳອິດໄດ້ຕົກລົງນັ້ນສຳເລັດແລ້ວ 50% ຫຼືພວມຈັດຕັ້ງປະຕິບັດ, ການສ້າງຕັ້ງໜ່ວຍງານປະສົມໃນຂົງເຂດບູລິມະສິດຕ່າງໆພວມດຳເນີນໄປຢ່າງເປັນລະບົບ, ຂະນະທີ່ກອງປະຊຸມລັດຖະມົນຕີການຕ່າງປະເທດຄັ້ງທີສາມຂອງກົນໄກຮ່ວມມືແມ່ນ້ຳລ້ານຊ້າງແມ່ນ້ຳຂອງຈະໄຂຂຶ້ນໃນຫົກເດືອນທ້າຍປີນີ້ ເພື່ອກະກຽມໃຫ້ແກ່ກອງປະຊຸມສຸດຍອດກົນໄກການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄັ້ງທີສອງ ພ້ອມນີ້ທັງຫົກປະເທດຍັງຈະວາງແຜນການດຳເນີນງານ 5 ປີຂອງກົນໄກຮ່ວມມືແມ່ນ້ຳລ້ານຊ້າງແມ່ນ້ຳຂອງ ແລະສະເໜີໂຄງການຮ່ວມມືງວດທີສອງອອກມາຕື່ມອີກ.