ຕາມຂ່າວສານຊິນຮວາ: ທ່ານສາສະດາຈານ ຢາງປາວຈູນ ນັກວິຊາການທີ່ຄົ້ນຄວ້າອາຊຽນຂອງສະຖາບັນສາກົນ ປຣິດີ ພະນົມຍົງ ມະຫາວິທະຍາໄລທຳມະສາດໄທ ໃຫ້ສຳພາດຕໍ່ສື່ມວນຊົນໃນວັນທີ 22 ມີນານີ້ວ່າ: 'ການປຶກສາຫາລືດ້ານການເມືອງແມ່ນທາງເລືອກໜຶ່ງດຽວໃນການແກ້ໄຂບັນຫາທະເລຈີນໃຕ້.'
ທ່ານ ຢາງປາວຈູນ ກ່າວວ່າ, 'ຖະແຫຼງການແຫ່ງການປະພຶດຂອງບັນດາຝ່າຍຕໍ່ທະເລຈີນໃຕ້' ເປັນພື້ນຖານທີ່ດີເພື່ອປ້ອງກັນບໍ່ໃຫ້ບັນຫາທະເລຈີນໃຕ້ເຄັ່ງຕຶງ ແລະຊຸກຍູ້ການແກ້ໄຂບັນຫາ. ແຕ່ລັດຖະບານຟິລິບປິນຊຸດກ່ອນແລະປະເທດອື່ນໆບາງປະເທດ ບໍ່ໄດ້ປະຕິບັດຕາມຖະແຫຼງການດັ່ງກ່າວ ຈຶ່ງເຮັດໃຫ້ສະຖານະການເຄັ່ງຕຶງຂຶ້ນ.
ທ່ານ ຢາງປາວຈູນ ເຫັນວ່າ, ປັດຈຸບັນ, ບັນຫາທະເລຈີນໃຕ້ພວມຢູ່ໃນໄລຍະສະຫງົບ, ທຸກຝ່າຍທີ່ບໍ່ກ່ຽວຂ້ອງບໍ່ເຂົ້າມາປັ່ນປ່ວນກໍ່ກວນ ແລະການປຶກສາຫາລືເພື່ອແກ້ໄຂບັນຫາຄືທາງເລືອກທີ່ດີແລະກໍເປັນເສັ້ນທາງດຽວເທົ່ານັ້ນ.