ຕອນບ່າຍວັນທີ 25 ມີນານີ້ ຕາມເວລາທ້ອງຖິ່ນ, ຢູ່ນະຄອນຊິດນີຂອງອົສຕຼາລີ, ທ່ານຫຼີເຄີ້ສຽງ ນາຍົກລັດຖະມົນຕີຈີນກັບທ່ານມາໂຄມ ເທີນບູຣ ນາຍົກລັດຖະມົນຕີອົສຕຼາລີໄດ້ຮ່ວມກັນຊົມການແຂ່ງຂັນບານເຕະອົສຕຼາລີ.
ການແຂ່ງຂັນບານເຕະອົສຕຼາລີໄດ້ມີປະຫວັດສາດ 150 ກວ່າປີມາແລ້ວ,ມີຊື່ສຽງຍ້ອນການຫຼິ້ນທີ່ມີຈັງຫວະໄວ ດຸເດືອດແລະໜ້າຊົມ,ເຊິ່ງເປັນກິລາປະເພດໜຶ່ງທີ່ໄດ້ຮັບຄວາມນິຍົມຫຼາຍທີ່ສຸດຈາກປະຊາຊົນອົສຕຼາລີ.
ຢູ່ສະໜາມກິລາ,ຜູ້ຕາງໜ້າຂອງນັກກິລາສອງທີມຕ່າງກໍໄດ້ມອບຜ້າພັນຄໍຂອງທີມຕົນໃຫ້ແກ່ທ່ານຫຼີເຄີ້ສຽງ ເພື່ອເປັນການຕ້ອນຮັບທ່ານທີ່ໃຫ້ກຽດມາຊົມການແຂ່ງຂັນ. ທ່ານຫຼີເຄີ້ສຽງຊີ້ອອກວ່າ: ອະລິຍະທຳມີຫຼາກຫຼາຍແລະມີຫຼາຍສີສັນ.ຍິນດີຕ້ອນຮັບພວກທ່ານໄປສະແດງສະເໜ່ຂອງບານເຕະອົສຕຼາລີຢູ່ຈີນ, ເພີ່ມທະວີການແລກປ່ຽນແລະການຮ່ວມມືດ້ານວັດທະນະທຳເຊິ່ງລວມທັງກິລາ, ເພື່ອສ້າງຂົວມິດຕະພາບຫຼາຍກວ່າເກົ່າໃຫ້ແກ່ສອງປະເທດ.