ວັນທີ 26 ມີນານີ້, ທ່ານໂຣດຣີໂກ ດູເຕີເຕ ປະທານາທິບໍດີຟີລິບປິນໄດ້ເດີນທາງເຂົ້າຮ່ວມກິດຈະກຳສະຫຼອງບຸນຄາມູລານຢູ່ເມືອງມາລາບາລາ ແຂວງບູກິດນູນ ເຊິ່ງເປັນແຂວງໃຫຍ່ອັນດັບ 8 ແລະເປັນແຂວງທີ່ບໍ່ມີທາງອອກສູ່ທະເລ ທາງພາກເໜືອເກາະມິນດານາວປະເທດຟີລິບປິນແລະໃນໂອກາດດັ່ງກ່າວກໍໄດ້ກ່າວປາໃສໂດຍຢ້ຳເຖິງແນວທາງຂອງປະເທດຕົນທີ່ຫວັງສ້າງສາຍພົວພັນກັບຈີນໃຫ້ແໜັ້ນແຟ້ນກວ່າເກົ່າ. ທ່ານດູເຕີເຕກ່າວວ່າ: "ຈີນເປັນເພື່ອນບ້ານໃກ້ຄຽງຂອງຂ້ອຍ, ຂ້ອຍຕ້ອງການຜູກມິດແລະເຮັດການຄ້າເທົ່ານັ້ນເພື່ອເຮັດໃຫ້ປະຊາຊົນຂອງຂ້ອຍມີຄວາມສຸກ ແລະປະເທດຊາດກ້າວໜ້າ."ແລະ "ຈີນກໍໄດ້ຊ່ວຍເຫຼືອຟີລິບປິນ."
ຂ່າວແຈ້ງວ່າ: ທ່ານດູເຕີເຕຍັງຂໍຮ້ອງໃຫ້ຈີນຊ່ວຍພັດທະນາກະສິກຳຟີລິບປິນໂດຍນຳເຂົ້າຜະລິດຕະພັນກະສິກຳຕ່າງໆເປັນຕົ້ນໝາກນັດ, ກ້ວຍຫອມແລະອື່ນໆໃຫ້ຫຼາຍກວ່າເກົ່າ.
 |
