ຕາມຂ່າວCRI: ວັນທີ 28 ມີນານີ້ ຢູ່ນະຄອນຫຼວງປັກກິ່ງ, ອົງການສະຫະປະຊາຊາດເພື່ອສະບຽງອາຫານໂລກຫຼື WFP ໄດ້ເຜີຍແຜ່ແຜນຍຸດທະສາດ 2017-2021 ຂອງຈີນເພື່ອຮ່ວມກັບກະຊວງກະສິກຳຈີນກໍຄືຄູ່ຮ່ວມມືອື່ນໆສ້າງໂລກປອດຄວາມອຶດຫີວ, ຊຸກຍູ້ການບັນລຸເປົ້າໝາຍແຫ່ງການພັດທະນາແບບຍືນຍົງຂອງໂລກ.
ພາຍໃຕ້ຂອບຍຸດທະສາດຂອງປະເທດ ໃນ 5 ປີຕໍ່ໜ້າ, WFP ຈະສະໜັບສະໜູນລັດຖະບານຈີນເປີດກວ້າງແຜນການປັບປຸງໂພຊະນາການຂອງນັກຮຽນໃນນະໂຍບາຍການສຶກສາພາກບັງຄັບຢູ່ຊົນນະບົດໃຫ້ດີຂຶ້ນ, ຊ່ວຍກະສິກອນຜູ້ທຸກຍາກ,ເພີ່ມທະວີການສ້າງຄວາມສາມາດການຟື້ນຟູຂອງເຂດທຸກຍາກທີ່ມັກປະສົບໄພ, ສະໜັບສະໜູນຈີນແລະປະເທດພວມພັດທະນາອື່ນໆຖອດຖອນບົດຮຽນດ້ານຄວາມປອດໄພຂອງສະບຽບອາຫານ,ໂພຊະນາການແລະຫຼຸດຜ່ອນຄວາມທຸກຍາກ ພ້ອມທັງພັດທະນາການພົວພັນຄູ່ຮ່ວມມືກັບລັດຖະບານ,ວິສາຫະກິດ,ວົງການວິຊາການແລະປະຊາຊົນທ້ອງຖິ່ນຢ່າງຕັ້ງໜ້າ. ເພື່ອບັນລຸເປົ້າໝາຍດັ່ງກ່າວຕ້ອງໄດ້ໃຊ້ງົບປະມານ 29 ລ້ານໂດລາສະຫະລັດ ໂດຍການສະໜັບສະໜູນຈາກພາກລັດ,ວິສາຫະກິດແລະທຸກຊັ້ນຄົນໃນຈີນ.
 |
