ຕາມຂ່າວສານຈີນ: ກິ່ງແຂວງສິບສອງພັ່ນນາແຂວງຢຸນນານຈີນໄດ້ເປີດ "ເສັ້ນທາງທ່ອງທ່ຽວສາກົນອ້ອມສາມຫຼ່ຽມຄຳ" ໂດຍການບໍລິການນັກທ່ອງທ່ຽວດ້ວຍການຂີ່ເຮືອຕາມແມ່ນ້ຳລ້ານຊ້າງແມ່ນ້ຳຂອງ ແລະຂີ່ລົດຕາມທາງຫຼວງຄຸນມິງ-ບາງກອກ ເພື່ອເຮັດໃຫ້ນັກທ່ອງທ່ຽວໄດ້ສຳຜັດກັບບັນຍາກາດອັນເລິກລັບຢູ່ເຂດອ້ອມຂ້າງສາມຫຼ່ຽມຄຳ.
ທ່ານຢ໋າງກວງໂປ ຮອງເລຂາຄະນະພັກກິ່ງແຂວງສິບສອງພັ່ນນາກ່າວວ່າ, ເສັ້ນທາງທ່ອງທ່ຽວດັ່ງກ່າວຈະເປີດບໍລິການໃນວັນທີ 1 ພຶດສະພາທີ່ຈະເຖິງນີ້ ໂດຍການຂີ່ເຮືອອອກຈາກທ່າກວນເຫຼີຍກິ່ງແຂວງສິບສອງພັ່ນນາ, ຜ່ານຊຽງສຽນປະເທດໄທ, ຕາກີໄລປະເທດມຽນມາ, ຫ້ວຍຊາຍແຂວງບໍ່ແກ້ວ, ແລະບໍ່ເຕັນແຂວງຫຼວງນ້ຳທາປະເທດລາວ ແລ້ວຜ່ານດ່ານບໍ່ຫານກັບຄືນມາທ່ອງທ່ຽວຢູ່ກິ່ງແຂວງສິບສອງພັ່ນນາຕື່ມອີກ.
ການເປີດເສັ້ນທາງທ່ອງທ່ຽວດັ່ງກ່າວແມ່ນລາຍການທ່ອງທ່ຽວຕາມນ້ຳຂອງທີ່ມີຄຸນນະພາບສູງ.
 |
