ທ່ານສີສີລ້ຽງ ຮອງປະທານຄະນະກຳມະການການທະຫານສູນກາງຈີນ ແລະ ທ່ານຮີຊຳມຸດດິນ ຮູເຊອິນ ລັດຖະມົນຕີກະຊວງປ້ອງກັນປະເທດມາເລເຊຍ ໄດ້ປຶກສາຫາລືກັນຢູ່ນະຄອນຫຼວງກົວລາລຳເປີ ໃນຕອນເຊົ້າວັນທີ 29 ມີນານີ້.
ທ່ານສີສີລ້ຽງ ກ່າວວ່າ: ນັບແຕ່ຈີນແລະມາເລເຊຍສ້າງຕັ້ງສາຍພົວພັນທາງການທູດເປັນຕົ້ນມາ, ການຮ່ວມມືດ້ານການເມືອງ, ເສດຖະກິດການຄ້າ ແລະອື່ນໆ ລະຫວ່າງສອງປະເທດໄດ້ຮັບໝາກຜົນຢ່າງຫຼວງຫຼາຍ, ຂະນະທີ່ການພົວພັນລະຫວ່າງສອງກອງທັບກໍໄດ້ຮັກສາ ທ່າອ່ຽງທີ່ດີມາໂດຍຕະຫຼອດ ແລະ ການຮ່ວມມືໃນຂົງເຂດຕ່າງໆ ກໍຂະຫຍາຍຕົວເຂົ້າສູ່ລວງເລິກຢ່າງບໍ່ຢຸດຢັ້ງ. ແນວໃດກໍດີ, ກອງທັບຈີນກໍຍິນດີຮ່ວມກັບມາເລເຊຍ ຊຸກຍູ້ຄວາມໄວ້ເນື້ອເຊື່ອໃຈກັນທາງຍຸດທະສາດລະຫວ່າງສອງກອງທັບໃຫ້ເຂົ້າສູ່ລວງເລິກ ແລະໃຫ້ການຮ່ວມມືທີ່ແທ້ຈິງໜັກແໜ້ນຍິ່ງຂຶ້ນ ທັງກາຍເປັນສິ່ງຄ້ຳຊູທີ່ເຂັ້ມແຂງໃຫ້ແກ່ສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດ ເພື່ອປະກອບສ່ວນຕໍ່ສັນຕິພາບ ແລະ ສະຖຽນລະພາບຂອງພາກພື້ນຢ່າງຕັ້ງໜ້າ.
ທ່ານຮູເຊອິນ ກ່າວວ່າ: ມາເລເຊຍກໍພໍໃຈຕໍ່ການພົວພັນໃນຂົງເຂດຕ່າງໆໃນປັດຈຸບັນລະຫວ່າງສອງປະເທດ, ຊະຕາກຳປະເທດຕົນໄດ້ພົວພັນກັບຈີນ ແລະ ທົ່ວພາກພື້ນຢ່າງແໜ້ນແຟ້ນ. ແນວໃດກໍດີ, ກອງທັບປະເທດຕົນກໍຫວັງຈະເພີ່ມທະວີການໄປມາຫາສູ່ ແລະ ຮ່ວມມືກັບຈີນຢ່າງບໍ່ຢຸດຢັ້ງ ເພື່ອໃຫ້ໂລກໄດ້ເຫັນມິດຕະພາບລະຫວ່າງສອງປະເທດ.