ຫວ່າງມໍ່ໆມານີ້, ກົມພັດທະນາການຄ້າໄທໄດ້ປະກາດຜົນການຄົ້ນຄວ້າແລະອະນຸມັດໃຫ້ນັກທຸລະກິດຕ່າງປະເທດລົງທຶນຢູ່ປະເທດຕົນໃນເດືອນມີນາ ຄື ອະນຸມັດການລົງທຶນໄດ້ພຽງແຕ່ 28 ວິສາຫະກິດ ເຊິ່ງຫຼຸດລົງ 12%, ຂະນະທີ່ໃນໄຕມາດທຳອິດປີນີ້ກໍຫຼຸດລົງ 27,37%.
ຫົວໜ້າກົມພັດທະນາການຄ້າໄທ ກ່າວວ່າ: ເດືອນມີນານີ້, ຄະນະກຳມະການການຄ້າຕ່າງປະເທດປະເທດຕົນ ໄດ້ຄົ້ນຄວ້າແລະອະນຸມັດການຮ້ອງຂໍການລົງທຶນໃຫ້ 28 ວິສາຫະກິດຕ່າງປະເທດ ເຊິ່ງຫຼຸດລົງ 12% ເມື່ອທຽບໃສ່ໄລຍະດຽວກັນຂອງປີຜ່ານມາ; ມູນຄ່າການລົງທຶນບັນລຸ 580 ລ້ານບາດ ຫຼຸດລົງ 30% ເມື່ອທຽບໃສ່ໄລຍະດຽວກັນຂອງປີຜ່ານມາ. ຂະນະທີ່ນັກທຸລະກິດຕ່າງປະເທດທີ່ໄດ້ຮັບການອະນຸມັດເຫຼົ່ານີ້ສ່ວນຫຼາຍແມ່ນນັກທຸລະກິດສິງກະໂປ, ຍີ່ປຸ່ນ ແລະ ຈີນ ໂດຍຈະເພີ່ມວຽກເຮັດງານທຳໃຫ້ແກ່ປະເທດຕົນໄດ້ 719 ຕຳແໜ່ງ.
