ຄະນະໂຄສະນາອົບຮົມສູນກາງມຽນມາຖະແຫຼງໃນຕອນຄ່ຳວັນທີ 30 ມີນານີ້ວ່າ ຈະມີອີກ 5 ກອງກຳລັງປະກອບອາວຸດຊົນເຜົ່າລົງນາມໃນສັນຍາຢຸດຍິງທົ່ວປະເທດ.
ຖະແຫຼງການລະບຸວ່າ: ຕອນຄ່ຳວັນດັ່ງກ່າວ, ທ່ານນາງອອງຊານຊູຈີ ທີ່ປຶກສາແຫ່ງລັດມຽນມາ ໄດ້ກ່າວປາໄສໃຫ້ທົ່ວປະເທດຮູ້ວ່າ: ຈະມີອີກ 5 ກອງກຳລັງປະກອບອາວຸດຊົນເຜົ່າທ້ອງຖິ່ນຈາກຄະນະກຳມະການປະສົມສະຫະພັນຊົນເຜົ່າ ລົງນາມໃນສັນຍາຢຸດຍິງທົ່ວປະເທດ ໄດ້ແກ່ KNPP, LDU, NMSP ແລະ WNO.
ປັດຈຸບັນ, ກອງກຳລັງປະກອບອາວຸດຊົນເຜົ່າ ທີ່ທາງການມຽນມາປະກາດນັ້ນມີ 21 ກອງກຳລັງ ແລະ ນັບແຕ່ເດືອນພະຈິກປີ 2013 ເປັນຕົ້ນມາ, ລັດຖະບານມຽນມາແລະກອງກຳລັງປະອາວຸດຊົນເຜົ່າ ໄດ້ເຈລະຈາກັນ 9 ຮອບ ແລະໃນທີ່ສຸດໄດ້ຮ່ວມກັບຜູ້ນຳ 8 ກອງກຳລັງປະກອບອວຸດຊົນເຜົ່າສ່ວນໜ້ອຍ ລົງນາມໃນສັນຍາຢຸດຍິງທົ່ວປະເທດເມື່ອເດືອນຕຸລາປີ 2015.